Illu illalu pillalu : మీ నాన్న చెప్తేనే నన్న ముట్టుకుంటావా.. సాగర్ ని తిట్టేసిన నర్మద!
on May 10, 2025
స్టార్ మా టీవీలో ప్రసారమవుతున్న సీరియల్ 'ఇల్లు ఇల్లాలు పిల్లలు'(Illu illalu pillalu). ఈ సీరియల్ శుక్రవారం నాటి ఎపిసోడ్ -154 లో.....శ్రీవల్లి ప్రతీ విషయంలో తలదూరుస్తుంది. మావయ్య గారు తన కొడుకుని ఏమైనా అనుకుంటారు. ఆవిడకేంటి నవ్వుతుందని ప్రేమతో చెప్తుంది నర్మద. ఇంటికి పెద్దకోడలు కదా అందుకే నెత్తిన పెట్టుకుంటున్నారని నర్మద అంటుంది. ఏంటి తోటికోడళ్ళు ఇద్దరు గుసగుసలాడుకుంటున్నారని వేదవతి అంటుంది.
మీ కంటికి మేమ్ ఎలా కనిపిస్తాం లేండి.. మీకు పెద్ద కోడలు ఉంటే చాలు.. చేతిలో ఉన్న బజ్జీలు తీసుకొని వెళ్లినా కూడా మీ పెద్దకోడలు బంగారమని నర్మద అంటుంది. తను నా ఆరోగ్యం కోసమే కదా అలా తీసుకుందని వేదవతి అంటుంది. గంట సేపు లైన్ లో ఉండి తీసుకొని వచ్చింది పోయింది కానీ అలా తీసుకుంటే మీ కోసం అంటున్నారా అని నర్మద అనగానే.. నీ తెలివితేటలకి ఒక దండం.. నీ గవర్నమెంట్ తెలివి నాకు తెలుసని వేదవతి అంటుంది. ఎదుటి వారి విషయంలో వేలు పెట్టకని చెప్పండి మీ పెద్దకోడలికి అని నర్మద కాస్త కోపంగానే వేదవతికి చెప్తుంది. ఇప్పుడే ఇలా ఉన్నారంటే ఇక ముందు ముందు ఎలా ఉంటారోనని వేదవతి అనుకుంటుంది.
మరోవైపు నర్మద, సాగర్ మాట్లాడుకుంటారు. సారీ నర్మద బిల్ నేను కట్టలేకపోయానని సాగర్ అంటాడు. నువ్వు బిల్ కట్టలేనందుకు బాధగా లేదు.. నాతో టైమ్ స్పెండ్ చెయ్యందుకు బాధగా ఉందని నర్మద అంటుంది. నాన్నని పర్మిషన్ అడిగాను.. ఇవ్వలేదని సాగర్ అనగానే.. ఏంటి భార్యని బయటకు తీసుకొని వెళ్ళడానికి మీ నాన్నని పర్మిషన్ అడిగావా.. సిగ్గనిపించడం లేదా.. నన్ను ముట్టుకోవాలన్నా కూడా మీ నాన్న పర్మిషన్ అడిగేలా ఉన్నావని నర్మద అనగానే.. సాగర్ కోప్పడతాడు. అయిన నర్మద అంటూనే ఉంటుంది. సాగర్ ఏమనలేకపోతాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
