పవర్ స్టార్ మూవీ నుంచి కీలక అప్డేట్!
on Feb 28, 2023
తమిళ్ మూవీ 'వినోదయ సిత్తం' రీమేక్ లో మేనల్లుడు సాయి ధరమ్ తేజ్ తో కలిసి పవర్ స్టార్ పవన్ కళ్యాణ్ నటిస్తున్న సంగతి తెలిసిందే. పీపుల్ మీడియా ఫ్యాక్టరీ నిర్మిస్తున్న ఈ చిత్రానికి సముద్రఖని దర్శకుడు. ఇందులో పవన్ దేవుడిగా కనిపించనున్నాడు. ఇప్పటికే ఈ మూవీ షూటింగ్ కూడా మొదలైంది.
పవన్ కళ్యాణ్, సాయి ధరమ్ తేజ్ ప్రధాన పాత్రలు పోషిస్తున్న సినిమాలో ఇతర ముఖ్య పాత్రలు పోషిస్తున్న నటీనటుల వివరాలను తాజాగా మేకర్స్ ప్రకటించారు. ఈ చిత్రంలో కేతిక శర్మ, ప్రియా ప్రకాష్ వారియర్, బ్రహ్మానందం, రోహిణి, తనికెళ్ళ భరణి, సుబ్బరాజు, రాజా చెంబోలు నటిస్తున్నారు. సాయి ధరమ్ తేజ్ కి జోడీగా కేతిక శర్మ నటిస్తుండగా ప్రియా ప్రకాష్ వారియర్ కీలక పాత్రలో కనిపించనుందని తెలుస్తోంది.
ఈ సినిమా కోసం పవన్ కేవలం నెల రోజులు మాత్రమే డేట్స్ కేటాయించినట్లు సమాచారం. ఈ చిత్రాన్ని శరవేగంగా షూటింగ్ పూర్తి చేసి ఆగస్టులో విడుదల చేయడానికి మేకర్స్ సన్నాహాలు చేస్తున్నారు. ఈ చిత్రానికి 'దేవుడు' అనే టైటిల్ ని పరిశీలిస్తున్నట్లు టాక్ వినిపిస్తోంది.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
