కోలీవుడ్ స్టార్ హీరో సూర్య (Suriya), టాలెంటెడ్ డైరెక్టర్ ఆర్జే బాలాజీ (RJ Balaji) కాంబినేషన్‌లో వచ్చిన తాజా ఫాంటసీ యాక్షన్ ఎంటర్‌టైనర్ ‘కరుప్పు’ (Karuppu) బాక్సాఫీస్ వద్ద కనకవర్షం కురిపిస్తోంది. అనేక ఆర్థిక ఇబ్బందులు, విడుదల అడ్డంకులను దాటుకుని మే 15న థియేటర్లలోకి వచ్చిన ఈ చిత్రం, బాక్సాఫీస్ వద్ద సరికొత్త రికార్డులను సృష్టిస్తోంది.

మొదటి మూడు రోజుల వీకెండ్‌లోనే ప్రపంచవ్యాప్తంగా ఏకంగా రూ. 120 కోట్లకు పైగా గ్రాస్ వసూళ్లను సాధించి, సూర్య కెరీర్‌లోనే బిగ్గెస్ట్ ఓపెనింగ్స్ రాబట్టిన చిత్రంగా ‘కరుప్పు’ సరికొత్త చరిత్ర లిఖించింది. ఈ ఊహించని భారీ విజయం, ప్రేక్షకుల నుండి వస్తున్న అద్భుతమైన రెస్పాన్స్ చూసిన చిత్ర యూనిట్, అభిమానులకు ఒక మైండ్ బ్లోయింగ్ న్యూస్ చెప్పనుంది. ‘కరుప్పు పార్ట్ 2’ నిర్మాణ పనులను త్వరలోనే అధికారికంగా ప్రారంభించనుంది.

దర్శకుడు ఆర్జే బాలాజీ మొదటి భాగం ముగింపులోనే సీక్వెల్ కోసం చాలా చాకచక్యంగా గట్టి పునాది వేశారు. సినిమా ఎండ్-క్రెడిట్స్ లోనే పార్ట్ 2 కి సంబంధించిన ఒక బలమైన హింట్‌ను ప్రేక్షకులకు పరిచయం చేశారు. మొదటి భాగం అంతా ‘కోర్టు వర్సెస్ దేవుడు’ (Court vs God) అనే ఆసక్తికరమైన ఫాంటసీ, లీగల్ డ్రామా నేపథ్యంతో సాగగా.. రాబోయే రెండో భాగం మరింత పవర్‌ఫుల్‌గా ఉండబోతోందని స్పష్టమైంది. పార్ట్ 2 లో కథాంశం ‘దేవుడు వర్సెస్ రాజకీయం’ (God vs Politics) అనే అత్యంత వివాదాస్పద, ఆసక్తికరమైన కాన్సెప్ట్‌తో సాగనుందని దర్శకుడు క్లారిటీ ఇచ్చారు. ఒక సామాన్య మానవుడి రూపంలో వచ్చే కరుప్పుస్వామి, వ్యవస్థలోని రాజకీయ నాయకుల అవినీతిని, కుట్రలను ఎలా అంతమొందించాడనే పాయింట్ చుట్టూ ఈ సూపర్ హీరో యాక్షన్ డ్రామా తిరగనుంది.

మొదటి భాగం సాధించిన ఈ భారీ కమర్షియల్ సక్సెస్ ఇచ్చిన నమ్మకంతో, పార్ట్ 2 ప్రాజెక్ట్‌ను ఏమాత్రం ఆలస్యం చేయకుండా ఫాస్ట్ ట్రాక్‌లో పెట్టాలని సూర్య, ఆర్జే బాలాజీ నిర్ణయించుకున్నారు. ఆర్జే బాలాజీ దర్శకత్వం వహించబోయే తదుపరి చిత్రంగా ‘కరుప్పు 2’ నే ఉండబోతోందని ఇండస్ట్రీ టాక్. ఈ సీక్వెల్‌ను మొదటి భాగం కంటే విజువల్స్ పరంగా, యాక్షన్ సీక్వెన్స్ పరంగా మరింత భారీ బడ్జెట్‌తో, అంతర్జాతీయ ప్రమాణాలతో నిర్మించడానికి డ్రీమ్ వారియర్ పిక్చర్స్ సన్నాహాలు చేస్తోంది. సూర్య మాస్ ఎలివేషన్స్, పొలిటికల్ డ్రామా కలగలిపి రాబోతున్న ఈ క్రేజీ సీక్వెల్ పై అప్పుడే భారీ అంచనాలు నెలకొన్నాయి.