సుడిగాలి సుధీర్ (Sudigali Sudheer) పుట్టినరోజును పురస్కరించుకుని ఆయన అభిమానులకు ఒక మైండ్ బ్లోయింగ్ సర్ప్రైజ్ లభించింది. సుధీర్ నటిస్తున్న సరికొత్త యాక్షన్ ఎంటర్టైనర్ చిత్రం 'సుధీర్ జోకర్' నుండి ‘జోకర్ బ్యాంగర్’ (Joker Banger) పేరుతో ఒక పవర్ఫుల్ అఫీషియల్ గ్లింప్స్ వీడియో తాజాగా విడుదలైంది. 57 సెకన్ల రన్టైమ్తో కట్ చేసిన ఈ గ్లింప్స్, సోషల్ మీడియాలో వైరల్ అవుతోంది. సుధీర్ కెరీర్లోనే మునుపెన్నడూ చూడని విధంగా అత్యంత స్టైలిష్, రగ్గడ్, హై-వోల్టేజ్ మాస్ అవతారంలో ఈ చిత్రంలో కనిపించబోతున్నారని ఈ గ్లింప్స్ ద్వారా స్పష్టమవుతోంది.
ఈ పవర్ఫుల్ గ్లింప్స్ ఆరంభంలోనే "రాయల్ ఫ్యామిలీలో పుట్టి ఈ దొంగతనాలు ఏంటి మాస్టారు?" అంటూ అజయ్ ఘోష్ చెప్పే డైలాగ్ సినిమా కథా నేపథ్యంపై ఆసక్తిని పెంచుతోంది. "చాలామందికి డ్రగ్స్, డబ్బులు, అమ్మాయిలు కిక్ ఇస్తాయి, కానీ నేను కింగ్ అనే ఫీలింగ్ వాడికి కిక్ ఇస్తుంది" అంటూ హీరో పాత్ర ఎలా ఉండబోతుందో చూపించారు. ఈ చిత్రంలో సుధీర్ క్యారెక్టర్ పేరు ‘రమ్మీ’ అని రివీల్ చేశారు. చేతిలో జిప్పో లైటర్ పట్టుకుని సిగరెట్ వెలిగిస్తూ, రాయల్ బాత్రోబ్ వేసుకుని సుధీర్ ఇచ్చే ఎంట్రీ విజువల్స్ థియేటర్లలో ఫ్యాన్స్ కి కిక్ ఇవ్వడం ఖాయంగా కనిపిస్తోంది.
ఈ గ్లింప్స్ చివర్లో "నేనేదైనా గెలుస్తా అని డిసైడ్ అయిన తర్వాతే దిగుతా!" అంటూ సుధీర్ చెప్పే పవర్ఫుల్ డైలాగ్ డెలివరీ, బస్సులో జరిగే హై-వోల్టేజ్ ఫైట్ సీక్వెన్స్, గ్లాస్ బ్రేకింగ్ షాట్స్ సుధీర్ మాస్ ఇమేజ్ను నెక్స్ట్ లెవెల్కు తీసుకువెళ్లేలా ఉన్నాయి.
విజయ్ డొంకడ, శ్రీధర్ మక్కువ సంయుక్తంగా నిర్మిస్తున్న ఈ చిత్రానికి పి.ఎస్. సునీల్ పుప్పాల (PS Suneel Puppala) దర్శకత్వం వహిస్తున్నారు. ఈ యాక్షన్ డ్రామాకు లియోన్ జేమ్స్ (Leon James) అందిస్తున్న థంపింగ్ బ్యాక్గ్రౌండ్ స్కోర్ విజువల్స్కు మరింత బలాన్ని చేకూర్చింది. సుడిగాలి సుధీర్ పుట్టినరోజు సందర్భాన్ని ఈ ‘జోకర్ బ్యాంగర్’ గ్లింప్స్ మరింత ప్రత్యేకంగా మార్చడమే కాకుండా, సినిమాపై అంచనాలను ఒక్కసారిగా పెంచేసింది.
