గబ్బర్ సింగ్ లో నేను ట్రెండ్ ఫాలో అవను సెట్ చేస్తాను అంటూ ఒక డైలాగ్ ఉంటుంది. ఇప్పుడు సర్దార్ గబ్బర్ సింగ్ కు సంబంధించిన ప్రతీ విషయంలో అదే కనిపిస్తోంది. గత కొద్ది రోజులుగా, సోషల్ నెట్ వర్కింగ్ సైట్స్ లో ట్రెండింగ్ లో టాప్ లో నిలుస్తోంది. మామూలుగానే పవన్ అభిమానుల్ని ఆపడం కష్టం. మరి ఆయన సినిమాకు సంబంధించిన స్టిల్స్, మేకింగ్ వీడియో రిలీజైతే ఇక చెప్పేదేముంది. పవన్ ఫ్యాన్స్ సోషల్ మీడియాలో చెలరేగిపోతున్నారు. సర్దార్ గబ్బర్ సింగ్ అనే హాష్ ట్యాగ్, ఐదురోజుల నుంచి టాప్ ట్రెండ్స్ వదలట్లేదు. మేకింగ్ వీడియో రిలీజవ్వగానే, అందరూ ఎక్స్ పెక్ట్ చేసినట్టుగా టాప్ లోనే ట్రెండ్ అయింది. కానీ ఆ తర్వాత కూడా ట్రెండ్ అవ్వటమే ఇక్కడ సెన్సేషన్. రేపు సర్దార్ ఆడియో టీజర్ వస్తోంది. ఆదివారమే ఆడియో ఫంక్షన్. అంటే ఇప్పట్లో సర్దార్ ట్రెండింగ్ కు ఫుల్ స్టాప్ లేనట్లే మరి.
