- రామ్ చరణ్ బాడీగార్డ్ కెవిన్ బ్యాక్‌గ్రౌండ్ తెలిస్తే షాక్ అవుతారు! 
- ఆరడుగుల కటౌట్... కోట్లల్లో ఇన్‌కమ్! 
- MMA ఫైటర్ కెవిన్ రియల్ స్టోరీ ఇదీ!

మెగా పవర్ స్టార్ రామ్ చరణ్ పక్కన ఎప్పుడూ నల్లటి సూట్ వేసుకుని, బుల్లెట్‌లా దూసుకొచ్చే ఆ ఆరడుగుల కటౌట్‌ని మీరు చూసే ఉంటారు. 'పెద్ది' సినిమా ప్రమోషన్స్ టైమ్‌లో చరణ్ ఎక్కడికెళ్లినా ఆయన కంటే ముందే అలర్ట్ అయిపోయే ఆ పర్సనల్ బాడీగార్డ్.. ఇప్పుడు సోషల్ మీడియాలో విపరీతంగా వైరల్ అవుతున్నాడు. 

అసలు ఎవరీ కెవిన్? అతని బ్యాక్‌గ్రౌండ్ ఏంటి? ఒక బాడీగార్డ్‌కి సోషల్ మీడియాలో ఈ రేంజ్ క్రేజ్ ఎలా వచ్చింది? రోజుకి ఆయన తీసుకునే శాలరీ ఎంతో తెలిస్తే మీరు నిజంగా ముక్కున వేలేసుకుంటారు!

చరణ్‌ని ప్రాణంగా ప్రేమించే మెగా ఫ్యాన్స్... ఇప్పుడు ఈ బాడీగార్డ్‌కి కూడా పెద్ద ఫ్యాన్స్ అయిపోయారు. చరణ్ ఎయిర్‌పోర్ట్‌లో ఉన్నా, షూటింగ్ స్పాట్‌లో ఉన్నా, మూవీ ఈవెంట్ లో ఉన్నా ఫ్యాన్స్ హడావుడి మామూలుగా ఉండదు. అలాంటి టైమ్‌లో చరణ్‌కి ఒక్క చిన్న స్క్రాచ్ కూడా పడకుండా, ఒక రక్షణ కవచంలా నిలబడే వ్యక్తే ఈ కెవిన్. ఇతని పూర్తి పేరు కెవిన్ కుంట. కేవలం రామ్ చరణ్‌కి సెక్యూరిటీ ఇవ్వడమే కాదు, సెలబ్రిటీల ప్రైవసీని ఎలా కాపాడాలో కెవిన్‌కి బాగా తెలుసు. అందుకే చరణ్ ఎక్కడికి వెళ్లినా కెవిన్ ఆయన నీడలా వెంట నడుస్తుంటాడు. 'పెద్ది' ప్రమోషన్స్ టైమ్‌లో ఇతని స్టైలిష్ లుక్స్, ఇంటెన్స్ ప్రెజెన్స్ చూసి సోషల్ మీడియా షేక్ అయిపోయింది.

కెవిన్ బ్యాక్‌గ్రౌండ్ తెలిస్తే షాకవుతారు. కెవిన్ కుంట కేవలం ఏదో నార్మల్ బాడీగార్డ్ కాదు. వెస్ట్ ఆఫ్రికాలోని గాంబియా దేశానికి చెందిన కెవిన్... ప్రొఫెషనల్ 'మిక్స్‌డ్ మార్షల్ ఆర్ట్స్' అంటే ఒక ఇంటర్నేషనల్ MMA ఫైటర్. 

కేవలం బాడీ బిల్డింగ్ మాత్రమే కాదు, క్రౌడ్ కంట్రోల్, ఎమర్జెన్సీ టాక్టిక్స్, విఐపి ప్రొటెక్షన్‌లో కెవిన్‌ స్పెషలిస్ట్. చరణ్ గ్లోబల్ స్టార్‌గా ఎదిగిన తర్వాత ఆయన సెక్యూరిటీ రేంజ్ కూడా మారిపోయింది. అందుకే ఇంటర్నేషనల్ స్టాండర్డ్స్ ఉన్న కెవిన్‌ను చరణ్ తన పర్సనల్ సెక్యూరిటీ హెడ్‌గా రిక్రూట్ చేసుకున్నారు.

అయితే చాలామంది కెవిన్ ఈ మధ్యే రామ్ చరణ్ టీంలోకి వచ్చాడేమో అనుకుంటారు. కానీ దీనిపై చరణ్ స్వయంగా క్లారిటీ ఇచ్చారు. కెవిన్ గత కొన్నేళ్లుగా మెగా ఫ్యామిలీకి సంబంధించిన సెక్యూరిటీ టీమ్‌లో ఒక కీ మెంబర్‌గా ఉన్నాడట.

ఒక బాడీగార్డ్‌కి సోషల్ మీడియాలో సెలబ్రిటీ రేంజ్ క్రేజ్, లక్షల్లో ఫాలోవర్స్ రావడం ఎక్కడైనా చూశారా? కానీ కెవిన్ విషయంలో అది నిజమైంది! చరణ్ ఫ్యాన్స్ కెవిన్‌ను ఓ రేంజ్‌లో ఓన్ చేసేసుకున్నారు. కొద్దిరోజుల్లోనే ఇన్‌స్టాగ్రామ్‌లో ఆయనకు ఏకంగా 7 లక్షల్లో ఫాలోవర్స్ వచ్చారు. అంతేకాదు కెవిన్ ఎలివేషన్ వీడియోలు కూడా సోషల్ మీడియాలో ట్రెండ్ అవుతున్నాయి. ఎయిర్‌పోర్ట్ వీడియోల్లో చరణ్‌తో పాటు కెవిన్ నడిచి వస్తుంటే బ్యాక్‌గ్రౌండ్ స్కోర్ వేసి రీల్స్ ట్రెండ్ చేస్తున్నారు. కెవిన్ కూడా మెగా ఫ్యాన్స్ చూపించే లవ్‌కి ఫిదా అయిపోతున్నాడు.

చరణ్ కూడా కెవిన్‌ను కేవలం ఒక ఎంప్లాయ్‌లా కాకుండా, తన ఫ్యామిలీ మెంబర్‌లా చూసుకుంటాడు. అందుకే చరణ్ వెంటే ఉంటూ, మెగా అభిమానుల మనసు దోచుకున్నాడు కెవిన్.

ఇక కెవిన్ శాలరీ ఎంతో తెలిస్తే అందరూ షాక్ అవ్వడం గ్యారెంటీ. ఇండియన్ ఫిల్మ్ ఇండస్ట్రీలోనే వన్ ఆఫ్ ది హైయెస్ట్ పెయిడ్ బాడీగార్డ్ ఎవరైనా ఉన్నారంటే అది కెవిన్ అనే చెప్పాలి. కెవిన్ తన సెక్యూరిటీ సర్వీసెస్ కోసం రోజుకి 2 లక్షల నుండి 4 లక్షల రూపాయల వరకు ఛార్జ్ చేస్తాడట. అంటే నెలకు లెక్కేసుకుంటే దాదాపు 60 లక్షల నుండి ఒక కోటి రూపాయల వరకు జీతం అందుకుంటున్నాడు. వినడానికే మైండ్ బ్లాక్ అవుతోంది కదూ! గ్లోబల్ స్టార్ రామ్ చరణ్ రేంజ్‌కి తగ్గట్టుగా అంతర్జాతీయ స్థాయిలో ప్రొటెక్షన్ ఇచ్చే కెవిన్‌కు ఆ మాత్రం శాలరీ ఉండడంలో తప్పులేదు.