జనవరి 11 కేరాఫ్ ఘట్టమనేని వారి ఘనవిజయాలు!
on Jan 11, 2022
తండ్రి సూపర్ స్టార్ కృష్ణ బాటలోనే తనయుడు మహేశ్ బాబు కూడా టాలీవుడ్ లో సూపర్ స్టార్ గా నిలిచారు. అంతేకాదు.. కృష్ణ తరహాలోనే మహేశ్ కూడా ఒక దశలో సంక్రాంతి హీరో అనిపించుకున్నారు. `ఒక్కడు`(2003), `బిజినెస్ మేన్`(2012), `సీతమ్మ వాకిట్లో సిరిమల్లె చెట్టు`(2013), `సరిలేరు నీకెవ్వరు`(2020) వంటి విజయవంతమైన చిత్రాలతో వేర్వేరు సంవత్సరాల్లో ముగ్గుల పండక్కి మురిపించారు మహేశ్ బాబు. వీటిలో `సీతమ్మ వాకిట్లో సిరిమల్లె చెట్టు`, `సరిలేరు నీకెవ్వరు` ఇదే జనవరి 11న ఏడేళ్ళ వ్యవధిలో విడుదలై వసూళ్ళ వర్షం కురిపించాయి.
ప్రస్తావించదగ్గ విషయమేమిటంటే.. 1985లో ఇదే జనవరి 11న కృష్ణ నటించిన ఓ సెన్సేషనల్ హిట్ రిలీజయ్యింది. ఆ చిత్రమే.. `అగ్ని పర్వతం`. కృష్ణ ద్విపాత్రాభినయం చేసిన ఈ సినిమా అప్పట్లో పలు రికార్డులను భూస్థాపితం చేసింది కూడా. మొత్తమ్మీద.. సంక్రాంతి సీజన్ లో ఇటు కృష్ణకి, అటు మహేశ్ కి ఘనవిజయాలను అందించి.. ఘట్టమనేని `సూపర్ స్టార్స్`కి మెమరబుల్ పొంగల్ డేట్ గా జనవరి 11 నిలిచిందన్నమాట.
కొసమెరుపు ఏంటంటే.. 1985 జనవరి 11న విడుదలైన `అగ్ని పర్వతం`లో కృష్ణకి జోడీగా నటించిన విజయశాంతి.. సరిగ్గా 35 ఏళ్ళ తరువాత అంటే 2020 జనవరి 11న మహేశ్ `సరిలేరు నీకెవ్వరు` కోసం ఓ ముఖ్య పాత్రలో అలరించారు.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
