వరుణ్ తేజ్ 'గాండీవధారి'కి ముహూర్తం ఖరారు!
on Jun 7, 2023
మెగా ప్రిన్స్ వరుణ్ తేజ్ హీరోగా ప్రవీణ్ సత్తారు దర్శకత్వంలో రూపొందుతోన్న చిత్రం 'గాండీవధారి అర్జున'. వరుణ్ పుట్టినరోజు కానుకగా జనవరిలో విడుదలైన ఈ మూవీ ఫస్ట్ లుక్ కి విశేష స్పందన లభించింది. సినీ అభిమానుల్లో ఈ చిత్రంపై మంచి అంచనాలే ఉన్నాయి. తాజాగా ఈ మూవీ రిలీజ్ డేట్ ని ప్రకటించారు.
'గాండీవధారి అర్జున' చిత్రాన్ని ఆగస్ట్ 25 న విడుదల చేస్తున్నట్లు తెలుపుతూ తాజాగా మేకర్స్ ఓ పోస్టర్ ను వదిలారు. సూట్ ధరించి చేతిలో గన్ పట్టుకొని ఉన్న వరుణ్ స్టైలిష్ పోస్టర్ ఆకట్టుకుంటోంది. వరుణ్ తేజ్, ప్రవీణ్ సత్తారు కలయికలో వస్తున్న మొదటి సినిమా ఇది. ఈ సినిమాతో హిట్ కొట్టాలని ఇద్దరూ ఎంతో పట్టుదలగా ఉన్నారు. విభిన్న చిత్రాలతో తనకంటూ ప్రత్యేక గుర్తింపు తెచ్చుకున్న వరుణ్ తేజ్.. గతేడాది 'గని' చిత్రంతో తీవ్రంగా నిరాశపరిచాడు. వెంకటేష్ తో కలిసి చేసిన మల్టీస్టారర్ 'ఎఫ్-3'తో మాత్రం పర్లేదు అనిపించుకున్నాడు. ఇక ఈ ఏడాది 'గాండీవధారి అర్జున'తో సోలో హీరోగా హిట్ కొట్టి సత్తా చాటాలి అనుకుంటున్నాడు. మరోవైపు 'చందమామ కథలు', 'పిఎస్‌వి గరుడ వేగ' వంటి సినిమాలతో టాలెంటెడ్ డైరెక్టర్ గా పేరు తెచ్చుకున్న ప్రవీణ్ సత్తారు కూడా గత చిత్రం 'ది ఘోస్ట్'తో నిరాశపరిచాడు. మరి ఈ ఇద్దరి కాంబోలో వస్తున్న 'గాండీవధారి అర్జున' ఎలాంటి ఫలితాన్ని అందుకుంటుందో చూడాలి. పోస్టర్లు మాత్రం సినిమాపై ఆసక్తిని కలిగిస్తున్నాయి.
Also Read
.webp)
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
