'ధురంధర్'(Dhurandhar)రెండు భాగాలు సాధించిన విజయం తెలిసిందే .ఇండియన్ చిత్రసీమలోనే రికార్డు కలెక్షన్స్ ని సాధించి ప్రస్తుతం ఓటిటి వేదికగా కూడా తన సత్తా చాటుతుంది.  , . ఇంతటి ఘన విజయాన్ని అందుకున్న ధురంధర్ కి  ఇప్పుడు ఒకదాని తర్వాత ఒకటిగా వివాదాలు చుట్టుముడుతున్నాయి. ఇప్పటికే కథకి సంబంధించిన  కాపీరైట్ వివాదాలు, దేశ భద్రతకి  సంబంధించిన కోర్టు కేసులతో వార్తల్లో నిలవగా  తాజాగా మరో షాకింగ్ ఉదంతం వెలుగులోకి వచ్చింది.

రెండు భాగాలకి ప్రొడక్షన్ డిజైనర్‌గా వ్యవహరించిన సైనీ ఎస్. జోహ్రేపై లైంగిక వేధింపుల ఆరోపణలు రావడం ఇప్పుడు ఇండస్ట్రీ వర్గాల్లో తీవ్ర చర్చనీయాంశంగా మారింది. రెండు భాగాలకి పని చేసిన అసిస్టెంట్ డైరెక్టర్ అయిన ఒక యువతీ ,సైనీపై పోలీసులకి ఫిర్యాదు చేస్తూ గత ఏడాది సెప్టెంబర్ 10 న  చండీగఢ్ లోని ఒక హోటల్ కి రావాలని చెప్తే వెళ్ళాక నాతో అసభ్యంగా ప్రవర్తించాడని, నేను అనారోగ్యంతో ఉన్నా సరే అక్కడ్నుంచి వెళ్లనివ్వలేదని , ఎవరికైనా చెబితే కెరీర్ దెబ్బతింటుందని బెదిరించాడని తన ఫిర్యాదులో పేర్కొంది.బాధితురాలు ఇచ్చిన ఫిర్యాదు ఆధారంగా పోలీసులు  కేసు నమోదు చేసి దర్యాప్తు చేస్తున్నారు 

3000 కోట్లు వసూలు చేసిన  ఒక బడా ప్రాజెక్టు వెనుక ఇంతటి చీకటి కోణాలు ఉండటం సగటు సినిమా అభిమానులని  విస్మయానికి గురిచేస్తోంది. బాధితురాలికి న్యాయం జరగాలని, ఇండస్ట్రీలో ఇలాంటి వేధింపులకు చెక్ పెట్టాలని డిమాండ్లు వ్యక్తమవుతున్నాయి. పోలీసులు ఈ కేసును తీవ్రంగా పరిగణించి దర్యాప్తును ముమ్మరం చేశారు. ఈ వ్యవహారంపై చిత్ర యూనిట్ లేదా ప్రొడక్షన్ డిజైనర్ సైనీ ఎస్. జోహ్రే ఇంకా ఎలాంటి అధికారిక ప్రకటన విడుదల చేయలేదు. రాబోయే రోజుల్లో ఈ కేసు ఎలాంటి మలుపులు తిరుగుతుందో అని ఇటు బాలీవుడ్, అటు టాలీవుడ్ వర్గాలు ఆసక్తిగా గమనిస్తున్నాయి.