'రూలర్'లో బాలకృష్ణ రెండో క్యారెక్టర్ ఏంటంటే?
on Nov 2, 2019
'జై సింహా' విజయం తరవాత నటసింహం నందమూరి బాలకృష్ణ, తమిళ దర్శకుడు కె.ఎస్. రవికుమార్, నిర్మాత సి. కళ్యాణ్ కాంబినేషన్లో రూపొందుతున్న సినిమా 'రూలర్'. దీపావళి సందర్భంగా టైటిల్ అనౌన్స్ చేశారు. అప్పుడు విడుదల చేసిన పోస్టర్లో బాలకృష్ణ పోలీస్ క్యారెక్టర్ చేస్తున్నారనేది స్పష్టం చేశారు. లాఠీ పట్టుకోవాల్సిన పోలీస్ చేత భారీ సుత్తి పట్టించారు. దాంతో సినిమాలో యాక్షన్ ఏ రేంజ్ లో ఉంటుందనేది అభిమానులకు ఒక ఐడియా వచ్చింది. పోలీస్ క్యారెక్టర్లో బాలకృష్ణ లుక్ మాసీగా ఉంది. ఈ లుక్ విడుదల చేయడానికి ముందు స్టైలిష్ లుక్ ఒకటి విడుదల చేశారు. మరి, అదేంటి? అంటే... ఐటీ ఆఫీసర్ లుక్.
విశ్వసనీయ వర్గాల సమాచారం ప్రకారం... సినిమాలో బాలకృష్ణ ద్విపాత్రాభినయం చేస్తున్నారు. ఒకరు పోలీస్ అయితే, మరొకరు ఐటీ ఆఫీసర్. ఇద్దరు పబ్లిక్ సర్వెంట్స్ అన్నమాట. బ్యాంకాక్, హైదరాబాద్ స్టూడియోల్లో ప్రత్యేకంగా వేసిన సెట్స్ లో ఐటీ ఆఫీసర్ సీన్స్ తీశారు. పోలీస్ సీన్స్ షూటింగ్ కోసం ఉత్తరాది రాష్ట్రాలు వెళ్లనున్నారు. రామోజీ ఫిలింసిటీలో కొన్ని సీన్స్ తీశారు. సోనాల్ చౌహన్, వేదిక హీరోయిన్లుగా నటిస్తున్న ఈ సినిమాను డిసెంబర్ 20న విడుదల చేయనున్నారు.
Also Read