చిత్రసీమలోను మాకు అన్యాయం జరిగింది
on Jun 13, 2014
ఏపి ఫిలిం ఛాంబర్ కార్యాలయంలోని ఓ భాగాన్ని తెలంగాణ ఫిలిం ఛాంబర్ కార్యాలయానికి తక్షణం కేటాయించాలని తద్వారా తెలంగాణా సినీ కళాకారులకు, తెలంగాణా సినిమాలకు ప్రోత్సాహించాలని, తెలంగాణ నిర్మాతల మండలి అధ్యక్షుడు సానా యాదిరెడ్డి అన్నారు.
గురువారం ఏర్పాటు చేసిన మీడియా సమావేశంలో ఈ అంశం గురించి ఆయన స్పష్టమైన అభిప్రాయాలను వెలిబుచ్చారు. తెలంగాణకు సినీరంగంలో కూడా అన్యాయం జరుగుతూ వస్తోందని ఆయన ఈ సందర్భంగా గుర్తుచేశారు. తెలంగాణ సినిమాను ప్రాంతీయ భాషా చిత్రంగా చూపించడంలో గల ఆంతర్యమేమిటో తెలియాలన్నారు. తెలంగాణ రాష్ట్రం ఏర్పడిన ఈ దశలో తెలంగాణా సినిమా అభివృద్ది కోసం రాయితీలు, సబ్సిడీలు ఇవ్వాలని కోరారు. ప్రాంతీయ చిత్రాలుగా కాకుండా తెలంగాణ చిత్రాలను గుర్తించి, గౌరవించాలని తెలంగాణ దర్శకుల సంఘం అధ్యక్షుడు అల్లాణి శ్రీధర్ అన్నారు. రాష్ట్రాల విభజన తర్వాత సినీ పరిశ్రమ కలిసి ఉండటం కుదరదని ఈ సభలో పాల్గొన్న సంగిశెట్టి దశరథ అన్నారు.