సూర్యకు ఎలాంటి గాయాలు కాలేదు: అంజాన్
on Apr 22, 2014
"గజిని", "యముడు" వంటి చిత్రాలతో తెలుగు ప్రేక్షకులకు దగ్గరైన తమిళ నటుడు సూర్యకి ఇటీవలే "అంజాన్" చిత్ర షూటింగ్ సమయంలో గాయాలయ్యాయని వార్తలు వచ్చాయి. అయితే ఆ వార్తల్లో ఎలాంటి నిజం లేదని "అంజాన్" చిత్ర యూనిట్ ఖరారు చేసింది. "సూర్యకు ఎలాంటి గాయాలు తగలలేదు. ఆయన చాలా క్షేమంగా ఉన్నాడు. ప్రస్తుతం గోవాలో సెల్వా మాస్టర్ నేతృత్వంలో క్లైమాక్స్ యాక్షన్ సన్నివేశాలను తెరకెక్కిస్తున్నామని" చిత్ర యూనిట్ తెలిపింది. ఇందులో సూర్య సరసన సమంత హీరోయిన్ గా నటిస్తుంది. లింగుస్వామి దర్శకత్వంలో తెరకెక్కుతున్న ఈ చిత్రానికి యువన్ శంకర్ రాజా సంగీతం అందిస్తున్నాడు. త్వరలోనే ఆడియోను, సినిమాను ప్రేక్షకుల ముందుకు తీసుకురావడానికి సన్నాహాలు చేస్తున్నారు.