నాగచైతన్య ఇక ఎవరికీ 'దొరకడు'
on Nov 10, 2014
'స్వామి రారా'తో ఆకట్టుకొన్న దర్శకుడు సుధీర్ వర్మ. ఇప్పుడు అన్నపూర్ణ కాంపౌండ్లో అడుగుపెట్టాడు. నాగచైతన్యతో ఓ సినిమా చేస్తున్నాడు. ఇది కూడా క్రైమ్ కామెడీ జోనరే. కృతి సనన్ కథానాయికగా నటిస్తున్న ఈ చిత్రాన్ని బివిఎస్ఎన్ ప్రసాద్ నిర్మిస్తున్నారు. ఈ చిత్రానికి 'దొరకడు' అనే టైటిల్ ఫిక్స్ చేసినట్టు తెలుస్తోంది. ఇది వరకు 'మాయగాడు' అనుకొన్నారు. కానీ ఆ టైటిల్తో ఇప్పటి వరకూ రెండు సినిమలొచ్చాయి. కాబట్టి.. దొరకడు అయితేనే బాగుంటుందని చిత్రబృందం ఫిక్సయ్యిందట. షూటింగ్ దాదాపుగా పూర్తి కావచ్చింది. ఈనెల 23న నాగచైతన్య పుట్టిన రోజు సందర్భంగా ఈ సినిమా ఫస్ట్ లుక్ని విడుదల చేసే అవకాశాలున్నాయి. జనవరిలో ఈ సినిమా ప్రేక్షకుల ముందుకు రాబోతోంది.