ఎయిర్ పోర్ట్ దగ్గర సాయిధరమ్ పిల్లా
on Mar 22, 2014
సాయిధరమ్ తేజ్, రేజీనా జంటగా నటిస్తున్న చిత్రం "పిల్లా నువ్వులేని జీవితం". ఈ చిత్ర షూటింగ్ ప్రస్తుతం ఎయిర్ పోర్ట్ ఎదురు రోడ్డు, ఎం.సిటీ.ఏ బిల్డింగ్ లో జరుగుతోంది. ఇక్కడ కొన్ని ముఖ్య సన్నివేశాలను చిత్రీకరిస్తున్నారు. ప్రముఖ దర్శకుడు ఎఎస్ రవికుమార్ చౌదరి దర్శకత్వంలో తెరకెక్కుతున్న ఈ చిత్రానికి అనూప్ సంగీతాన్ని అందిస్తున్నాడు. గీత ఆర్ట్స్ బ్యానర్లో అల్లు అరవింద్ సమర్పిస్తుండగా బన్నీవాసు, హర్షిత్ సంయుక్తంగా నిర్మిస్తున్నారు. లవ్, యాక్షన్ నేపధ్యంలో తెరకెక్కుతున్న ఈ చిత్రంలో జగపతిబాబు ఓ ప్రధాన పాత్రలో నటిస్తున్నాడు. త్వరలోనే ఈ చిత్రాన్ని ప్రేక్షకుల ముందుకు తీసుకురావడానికి సన్నాహాలు చేస్తున్నారు.