'భోళా శంకర్' కోసం రంగంలోకి దిగుతున్న గ్లోబల్ స్టార్!
on Jul 26, 2023
మెగాస్టార్ చిరంజీవి హీరోగా మెహర్ రమేష్ దర్శకత్వంలో రూపొందుతోన్న చిత్రం 'భోళా శంకర్'. ఏకే ఎంటర్టైన్మెంట్స్ నిర్మిస్తున్న ఈ చిత్రంలో తమన్నా, కీర్తి సురేష్, సుశాంత్ ముఖ్యపాత్రలు పోషిస్తున్నారు. ఆగస్టు 11న ఈ చిత్రం ప్రేక్షకుల ముందుకు రానుంది. ఇప్పటికే విడుదలైన టీజర్, సాంగ్స్ ఆకట్టుకున్నాయి. ఈ మూవీ ట్రైలర్ ను జూలై 27న విడుదల చేస్తున్నట్లు ఇటీవల మేకర్స్ ప్రకటించిన సంగతి తెలిసిందే.
తాజాగా మేకర్స్ మరో అదిరిపోయే అప్డేట్ ఇచ్చారు. తన తండ్రి మెగాస్టార్ చిరంజీవి నటించిన 'భోళా శంకర్' మూవీ ట్రైలర్ ను తనయుడు గ్లోబల్ స్టార్ రామ్ చరణ్ చేతుల మీదుగా విడుదల చేయబోతున్నట్లు తాజాగా మేకర్స్ ప్రకటించారు. రేపు(జూలై 27) సాయంత్రం 4:05 కి ట్రైలర్ ను విడుదల చేస్తున్నట్లు తెలిపారు.
తమిళ సినిమా 'వేదాళం'కి రీమేక్ గా రూపొందుతోన్న ఈ చిత్రానికి మహతి స్వర సాగర్ సంగీతం అందిస్తున్నారు. ఈ ఏడాది ఇప్పటికే 'వాల్తేరు వీరయ్య' రూపంలో బ్లాక్ బస్టర్ అందుకున్న మెగాస్టార్, 'భోళా శంకర్'తో ఎలాంటి ఫలితాన్ని అందుకుంటారో చూడాలి.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
