గాలి కబుర్లు ఆపండి
on Jul 31, 2017
‘బాహుబలి’తర్వాత రాజమౌళి చేసే సినిమా ఏంటి? ఇది అటు పరిశ్రమల్లో, ఇటు ప్రేక్షకుల్లో తరచూ వినిపిస్తున్న ప్రశ్న. ఈ దఫా రాజమౌళీ... ‘మర్యాద రామన్న’ తరహాలో చిన్న సినిమా చేస్తాడని, ఇందులో ఓ చిన్న హీరోనే నటిస్తాడని ఓ వార్త మొన్నటి దాకా వినిపించింది. అయితే... ఈ దఫా కూడా పెద్ద సినిమానే చేస్తానని ఇటీవల రాజమౌళి ప్రకటించడంతో ఆ వార్తలో నిజం లేదని తేలిపోయింది. ఆ తర్వాత మహేశ్ పేరు లైన్లో కొచ్చింది. రాజమౌళి తదుపరి చిత్రం మహేశ్ తోనని మీడియా కోడై కూసింది. అయితే... దీనిపై రాజమౌళి మాత్రం స్పందించలేదు. నిర్మాత కె.ఎల్. నారాయణకి చేయాల్సిన సినిమా మాత్రం మహేశ్ తో చేస్తానని గతంలో ఓ సారి చెప్పాడు రాజమౌళి. అది ఎప్పుడు అనేది మాత్రం తెలియాల్సివుంది. ఇప్పుడైతే... ఇమిడియట్ గా రాజమౌళి చేయాల్సింది భగవాన్-దానయ్యల సినిమా. ఈ సినిమానే ఎన్టీయార్ తో ఉంటుందని మొన్నటి వరకూ అనుకున్నారు. అయితే... ఇప్పుడు ప్రభాస్ పేరు ప్రచారంలోకొచ్చింది. రాజమౌళి మళ్లీ ప్రభాస్ తోనే సినిమా చేయనున్నట్లు ఓ వార్త ఫిలిం నగర్ లో హల్ చల్ చేస్తోంది. ‘బాహుబలి’ నిర్మాణంలో ఉన్నప్పుడే ఓ కథను ప్రభాస్ కి రాజమౌళిచె ప్పాడని, ఆ కథ బాగా నచ్చడంతో ఇప్పుడు ఆ కథనే తీయడానికి వారు సన్నద్ధం అవున్నట్లు ఈ వార్త సారాంశం. అయితే... రాజమౌళి వర్గం మాత్రం ఈ విషయాన్ని కొట్టి పారేసింది. ఇందులో ఏ మాత్రం నిజం లేదని తేల్చేసింది. ఇంతవరకూ కథే రెడీగా లేదనీ, ఇంకా హీరో గురించి డిస్కషన్ దేనికని వారంటున్నారు. కథ ఓకే అయ్యాకే హీరో గురించి ఆలోచించడం రాజమౌళి స్టయిల్ అనీ... ఇప్పటిదాకా అయితే... కథే తమ దగ్గర లేదని వారు తేల్చిచెప్పారు. అందుకని గాసిప్పు రాయుళ్లారా? ఇకనైనా... మీ గాలి కబుర్లు ఆపండి.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
