తగ్గని 'ఆర్ఆర్ఆర్' జోరు.. ఓ వైపు ఆస్కార్, మరోవైపు రీరిలీజ్!
on Mar 7, 2023
'ఆర్ఆర్ఆర్' సినిమా విడుదలై ఏడాది కావొస్తున్నా ఇప్పటికీ సంచలనాలు సృష్టిస్తూనే ఉంది. ఈ సినిమాలోని 'నాటు నాటు' పాట ఆస్కార్ బరిలో నిలిచింది. బెస్ట్ ఒరిజినల్ సాంగ్ గా ఆస్కార్ గెలిచినా ఆశ్చర్యం లేదనే అభిప్రాయాలు ఉన్నాయి. అలాగే జపాన్ లో అత్యధిక వసూళ్లు రాబట్టిన ఇండియన్ సినిమాగా ఇప్పటికే 1.2 బిలియన్ యెన్స్ కి పైగా కలెక్ట్ చేసిన ఆర్ఆర్ఆర్.. ఇప్పటికీ అక్కడ విజయవంతంగా రన్ అవుతోంది. ఇక మార్చి 12న ఆస్కార్ వేడుక జరగనున్న తరుణంలో ఈ చిత్రం మరోసారి తెలుగునాట థియేటర్లలో సందడి చేయనుంది.
'ఆర్ఆర్ఆర్' చిత్రాన్ని ఇప్పటికే యూఎస్ లో మార్చి 3న రీరిలీజ్ చేయగా మంచి రెస్పాన్స్ వచ్చింది. ఈ వీకెండ్ లో కోటికి పైగా గ్రాస్ రాబట్టి(140K డాలర్స్) సత్తా చాటింది. ఇక ఇప్పుడు తెలుగు రాష్ట్రాల వంతు. తెలంగాణ, ఆంధ్రప్రదేశ్ లో ఈ సినిమాని మార్చి 10న భారీగా మళ్ళీ విడుదల చేయనున్నారు. మరి రీరిలీజ్ లో ఈ సినిమాకి తెలుగు రాష్ట్రాల్లో ఎలాంటి రెస్పాన్స్ వస్తుందో చూడాలి. ఇప్పటిదాకా వరల్డ్ వైడ్ గా రూ.1200 కోట్లకు పైగా గ్రాస్ రాబట్టిన ఆర్ఆర్ఆర్.. ఇటీవల 'కేజీఎఫ్-2'ని దాటేసి ఇండియన్ సినిమా చరిత్రలో అత్యధిక వసూళ్లు రాబట్టిన మూడో సినిమాగా నిలిచింది. మొదటి రెండు స్థానాల్లో 'దంగల్', 'బాహుబలి-2' ఉన్నాయి.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
