పూరి కొడుకు 'ఆంధ్రాపోరి' గొడవేంటి?
on Feb 16, 2015
ఆకాష్ పూరి, ఉల్కా గుప్తా జంటగా నటిస్తున్న ఆంధ్రాపోరి చిత్రం కొద్ది రోజుల క్రితం హైదరాబాద్లో ప్రారంభమైంది. ఈ సినిమా కొద్ది రోజుల నుంచి ఖమ్మం జిల్లా పాల్వంచలో జరుగుతోంది. ఈ సంధర్బంగా సినిమా యూనిట్ మెంబర్లు అందరూ భద్రాచలం రోడ్లోని ఒక హోటల్లో బస చేశారు. అయితే ఒకరోజు అర్ధరాత్రివేళ పాల్వంచ ఎస్.ఐ. షణ్ముఖాచారి ఈ హోటల్కి వచ్చాడు. అక్కడ బస చేసిన సినిమా యూనిట్ సభ్యులతో అభ్యంతరకరంగా ప్రవర్తించాడు. పూరి జగన్నాథ్ కొడుకుతో కూడా అభ్యంతరకరంగా ప్రవర్తించాడు. దీంతో ఈ విషయాన్ని పూరి జగన్నాథ్ ఖమ్మం జిల్లాకు వెళ్ళి అక్కడి ఉన్నతాధికారుల దృష్టికి తీసుకెళ్ళాడు. దాంతో పోలీసు అధికారులు సదరు ఎస్.ఐ.ని జిల్లా ఎస్పీకి అటాచ్ చేశారు. దాంతో ఇప్పుడు ఆ ఎస్.ఐ. షణ్ముఖాచారి లబోదిబో అంటున్నాడు.