సినిమాలకు బ్రేక్.. ప్రభాస్ కి ఏమైంది?
on Sep 12, 2023
ప్రస్తుతం మరే స్టార్ హీరోకి సాధ్యంకాని విధంగా పాన్ ఇండియా స్టార్ ప్రభాస్ వరుస సినిమాలతో దూసుకుపోతున్నారు. ఈ ఏడాది ఇప్పటికే 'ఆదిపురుష్'తో పలకరించిన ప్రభాస్.. ఏడాది చివరిలో 'సలార్-1'తో అలరించడానికి సిద్ధమవుతున్నారు. అలాగే 'కల్కి 2898 AD'(ప్రాజెక్ట్ k), మారుతి ప్రాజెక్ట్ షూటింగ్ దశలో ఉన్నాయి. ఆ వెంటనే 'సలార్-2', 'స్పిరిట్' ప్రాజెక్ట్స్ లైన్ లో ఉన్నాయి. ఇలా వరుస సినిమాలతో దూసుకుపోతున్న ప్రభాస్.. సడెన్ గా బ్రేక్ తీసుకోబోతున్నారట. అది కూడా ఏకంగా మూడు-నాలుగు నెలలు అని తెలుస్తోంది.
మోకాలి సర్జరీ కోసం ప్రభాస్ విదేశాలకు వెళ్తున్నట్లు సమాచారం. ఈ సర్జరీ తర్వాత ఆయన కనీసం రెండు నెలలు విశ్రాంతి తీసుకోవాల్సి ఉంటుందట. ఆయన పూర్తిగా కోలుకొని మళ్ళీ షూటింగ్ లో పాల్గొనాలంటే మూడు నెలలకు పైగా సమయం పట్టే అవకాశముంది అంటున్నారు. అదే జరిగితే ప్రభాస్ సినిమాలపై తీవ్ర ప్రభావం పడే అవకాశముంది. 'సలార్-1' షూటింగ్ ని ఇప్పటికే పూర్తి చేసిన ప్రభాస్.. డబ్బింగ్ చెప్పాల్సి ఉందట. ఈ సినిమాని నవంబర్ లేదా డిసెంబర్ లో విడుదల చేయడానికి మేకర్స్ సన్నాహాలు చేస్తున్నారు. కానీ ప్రభాస్ సర్జరీ చేయించుకొని విశ్రాంతి తీసుకుంటే డబ్బింగ్ చెప్పడం వరకు ఓకే గానీ, ప్రమోషన్స్ కి రావడం అనుమానమే. ఇక 'ప్రాజెక్ట్ k'ని మొదట వచ్చే ఏడాది సంక్రాంతికి విడుదల చేయాలి అనుకోగా, ఇప్పటికే ఆలస్యమవుతోంది. ఇక ఇప్పుడు ప్రభాస్ విశ్రాంతి తీసుకుంటే ఆ సినిమా మరింత లేట్ అవుతుంది. అదే బాటలో ఇతర ప్రాజెక్ట్స్ కూడా ఆలస్యమవుతాయి. మొత్తానికి వరుస సినిమాలతో దూసుకెళ్తున్న ప్రభాస్ కి ఒక్క సర్జరీ బ్రేకులు వేసిందని ఇండస్ట్రీ వర్గాలు అంటున్నాయి.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
