పూజా హెగ్డే రీ ఎంట్రీ.. టాలీవుడ్ లో మళ్ళీ బిజీ అవుతుందా?
on Sep 10, 2025
అప్పట్లో టాలీవుడ్ లో బుట్టబొమ్మగా ఓ వెలుగు వెలిగిన పూజా హెగ్డే.. కొన్నేళ్ల నుంచి అసలు తెలుగు సినిమాల్లో కనిపించడమే మానేసింది. చివరిగా 2022లో వచ్చిన 'ఆచార్య'లో నటించిన పూజ.. అదే ఏడాది వచ్చిన 'ఎఫ్-3'లో స్పెషల్ సాంగ్ లో మెరిసింది. 'గుంటూరు కారం', 'ఉస్తాద్ భగత్ సింగ్' వంటి సినిమాలు ఎందుకనో ఆమె నుంచి శ్రీలీల చేతికి వెళ్లిపోయాయి. ఈ రెండు మూడేళ్ళుగా పూజ హిందీ, తమిళ సినిమాలకే పరిమితమైంది. అలాంటిది ఇప్పుడు మళ్ళీ టాలీవుడ్ కి రీ ఎంట్రీ ఇస్తోంది. (Pooja Hegde Joins DQ41)
దుల్కర్ సల్మాన్ తన 41వ సినిమాని తెలుగులో చేస్తున్నాడు. ఎస్.ఎల్.వి. సినిమాస్ బ్యానర్ పై సుధాకర్ చెరుకూరి నిర్మిస్తున్న ఈ చిత్రానికి రవి నెలకుడిటి దర్శకుడు. ఇదొక బ్యూటిఫుల్ లవ్ స్టోరీ అని తెలుస్తోంది. ఇటీవల లాంచ్ అయిన ఈ మూవీ.. హైదరాబాద్ లో రెగ్యులర్ షూటింగ్ జరుపుకుంటోంది. తాజాగా ఈ చిత్రంలో పూజ హీరోయిన్ గా నటిస్తున్నట్లు అధికారికంగా ప్రకటించారు. ఈ సందర్భంగా స్పెషల్ గ్లింప్స్ విడుదల చేశారు. ఆ వీడియో చూస్తుంటే పూజ అదిరిపోయే కమ్ బ్యాక్ ఇవ్వడం గ్యారెంటీ అనిపిస్తోంది. దుల్కర్-పూజ కెమిస్ట్రీ, విజువల్స్, మ్యూజిక్ అన్నీ బాగున్నాయి. ఈ సినిమాతో మళ్ళీ పూజ తెలుగులో ఫుల్ బిజీ అవుతుందేమో చూడాలి.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
