Peddi : సడెన్ సర్ ప్రైజ్ ఇచ్చిన రామ్ చరణ్!
on Mar 30, 2025
మెగా పవర్ స్టార్ రామ్ చరణ్ (Ram Charan) హీరోగా 'ఉప్పెన' ఫేమ్ బుచ్చిబాబు దర్శకత్వంలో తెరకెక్కుతోన్న చిత్రం 'పెద్ది'. మార్చి 27న రామ్ చరణ్ పుట్టినరోజు కానుకగా విడుదలైన ఫస్ట్ లుక్ కి సూపర్ రెస్పాన్స్ వచ్చింది. నిజానికి ఆరోజు గ్లింప్స్ విడుదల చేయాలని భావించింది మూవీ టీం. కానీ, దానికి సంబంధించిన వర్క్ పూర్తి కాకపోవడంతో ఫస్ట్ లుక్ తో సరిపెట్టింది. దీంతో గ్లింప్స్ కోసం మెగా అభిమానులు ఎంతగానో ఎదురుచూస్తున్నారు. వారికి సర్ ప్రైజ్ ఇస్తూ.. తాజాగా 'పెద్ది' గ్లింప్స్ కి ముహూర్తం ఖరారు చేసింది చిత్ర బృందం. (Peddi Glimpse)
ఉగాది సందర్భంగా 'పెద్ది' టీం బిగ్ సర్ ప్రైజ్ ఇచ్చింది. పెద్ది మూవీ గ్లింప్స్ ని శ్రీరామ నవమి కానుకగా ఏప్రిల్ 6న విడుదల చేయనున్నట్లు ప్రకటించింది. ఈ సందర్భంగా ఒక పోస్టర్ ను కూడా విడుదల చేసింది. పోస్టర్ లో బరిలోకి దిగుతున్నట్టుగా జంప్ చేస్తున్న రామ్ చరణ్ స్టిల్ అదిరిపోయింది. ఫస్ట్ లుక్ తోనే మెగా ట్రీట్ ఇచ్చిన దర్శకుడు చరణ్.. ఇక గ్లింప్స్ తో అంతకుమించిన ట్రీట్ ఇవ్వబోతున్నాడని పోస్టర్ తోనే అర్థమవుతోంది.
మైత్రి మూవీ మేకర్స్, సుకుమార్ రైటింగ్స్ తో కలిసి వృద్ధి సినిమాస్ నిర్మిస్తున్న 'పెద్ది'లో జాన్వీ కపూర్ హీరోయిన్ కాగా, శివ రాజ్ కుమార్ కీలక పాత్ర పోషిస్తున్నారు. ఏఆర్ రెహమాన్ సంగీతం అందిస్తున్న ఈ చిత్రం, 2026 వేసవికి ప్రేక్షకుల ముందుకు రానుంది.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
