దాసరితో పవన్ కళ్యాణ్ సినిమా?
on Feb 23, 2015
టాలీవుడ్ లో ఓ సంచలనకర కాంబినేషన్ తెరపైకి రాబోతుంది. దాసరి సొంత బ్యానర్ లో పవన్ కళ్యాణ్ హీరోగా ఓ చిత్రం రూపొందబోతుందట. ఈ విషయాన్ని స్వయంగా దాసరినారాయణరావు గారు ప్రకటించారు. అయితే విషయం సినీ అభిమానులకు ఆశ్చర్యాన్ని కలిగిస్తోంది. మెగాస్టార్ చిరంజీవికి, దర్శక ప్రముఖుడు దాసరికి మధ్య సంబందాలు గత కొంతకాలంగా ఎలా వున్నాయో, అందరికీ తెలిసిందే. ఈ సమయంలో ఈ కాంబినేషన్ చర్చనీయాంశం అవుతుంది. అయితే ఇండస్ట్రీలో సినిమా వేరు,వ్యక్తిగత సంబంధాలు వేరని చెప్పవచ్చు. ఏది ఏమైనా పవన్ కళ్యాణ్, దాసరిల కాంబినేషన్ అందరిలో ఆసక్తిని పెంచుతోంది.