క్లైమాక్స్ చేరిన 'పవన్' లీలలు
on Oct 13, 2014
బాలీవుడ్ హిట్టైన 'ఓ మై గాడ్' సినిమాను తెలుగులో పవన్ కళ్యాణ్, వెంకటేష్ కలిసి చేస్తున్నారు. వెంకటేష్ ప్రధాన పాత్రలో నటిస్తున్న ఈ మూవీలో పవన్ కళ్యాణ్ కృష్ణుడిగా అలరించనున్నారు. ఈ సినిమా షూటింగ్ గత కొంతకాలంగా సైలెంట్ గా సాగిపోతుంది. ఈ సినిమా షూటింగ్ సంబంధించి ఒక్క అఫిషియల్ న్యూస్ కూడా బయటకు రాలేదు. ఇంతకీ గోపాల గోపాల ఎంత వరకు వచ్చింది? ఇండస్ట్రీ వర్గాల సమాచారం ప్రకారం పవన్ కళ్యాణ్ తన పాత్రకు సంబంధించిన షూటింగ్ దాదాపు పూర్తి చేశారట. కొంత ప్యాచ్ వర్క్ బ్యాలెన్స్ వుందట. ఈ మూవీ చిత్రీకరణ మొత్తం ఈ నెలాఖరుకు పూర్తవుతుందని అంటున్నారు. అలాగే నవంబర్ లో పోస్ట్ ప్రొడక్షన్ పనులు పూర్తి చేసి, డిసెంబర్ లో చిత్ర ప్రచారం మొదలుపెట్టి, జనవరి లో రిలీజ్ చేస్తారట. ఈ సంవత్సరం పవన్ కళ్యాణ్ సినిమా ఒక్కటి కూడా రిలీజ్ కాకపోవడంతో ఈ మూవీ కోసం ఫ్యాన్స్ ఏంతో ఆసక్తిగా ఎదురుచూస్తున్నారు.