హోలి.. ప్రేక్షకుడు బలి
on Mar 7, 2015
పండగ రోజు కొత్త సినిమా చూసి మస్త్ మజా చేద్దామనుకొంటాడు ప్రేక్షకుడు. తెలుగు లోగిళ్లలో పండగ అంటే.. సినిమా కూడా. ఈసారి హోలీకి 5 సినిమాలొచ్చాయి. కానీ ఒక్కటీ ప్రేక్షకులను మెప్పించలేకపోవడంతో బాక్సాఫీసు డీలా పడిపోయినట్టైంది. సూర్య వర్సెస్ సూర్యలో పాయింట్ బాగున్నా దర్శకుడు సరిగా డీల్ చేయలేదు. అనేకుడులో కన్ఫ్యూజన్స్ ఎక్కువయ్యాయి. ఈ రెండు సినిమాల్నీ కాస్తభరించొచ్చు. అయితే ఈ రోజు విడుదలైన 3 సినిమాలూ ప్రేక్షకుల్ని మూడు చెరువుల నీళ్లు తాగించాయి. ఆనందం మళ్లీ మొదలైంది, పంచమి, నాకైతే నచ్చింది సినిమాలు ప్రేక్షకుల సహనాన్ని పరీక్షించాయి. థియేటర్లో ఉన్న ఆ పది మంది కూడా బెంబెలెత్తిపోయేలా చేశాయి సినిమాలు. దర్శకుడిగా ఆనందం ఆకాష్ తన పైత్యం చూపించుకొంటే.. ఉన్న ఒక్క పాత్రతో ప్రేక్షకుల్ని పంచమి విసిగించింది. నాకైతే నచ్చింది తలాతోక లేని కథనంతో ప్రేక్షకుల్ని ఇబ్బంది పెట్టింది. రేపటి నుంచి ఈ మూడు సినిమాలు ఆడుతున్న థియేటర్ల చుట్టుపక్కలక్కూడా పోలేంత బ్యాడ్ టాక్ వచ్చేసింది. ఈ రోజు ఇండియా వర్సెస్ వెస్టిండీస్ క్రికెట్ మ్యాచ్ కూడా బాక్సాఫీసుని దెబ్బకొట్టింది. అసలే మ్యాచ్, దానికి తోడు చెత్త సినిమాలు.. వెరసి హోలీ రోజున థియేటర్లు ఖాళీ అయ్యాయి. ఏదో కాలక్షేపం కోసం థియేటర్లకు వెళ్లినవాళ్లు మాత్రం బలైపోయారు.