ఫోటో లీక్.. లండన్ లో శోభితతో నాగ చైతన్య!
on Mar 29, 2023
హీరోయిన్ శోభిత ధూళిపాళ్లతో అక్కినేని హీరో నాగ చైతన్య ప్రేమలో ఉన్నట్లు కొంతకాలంగా ప్రచారం జరుగుతోంది. వీళ్ళిద్దరూ డేటింగ్ లో ఉన్నట్లు పదే పదే వార్తలు వినిపిస్తున్నాయి. మేజర్ ప్రమోషన్స్ సమయంలో 'శోభిత స్టే చేసిన హోటల్ దగ్గర చైతన్య', 'నాగ చైతన్య కొత్త ఇంటి దగ్గర శోభిత' వంటి వార్తలు అప్పట్లో వైరల్ అయ్యాయి. ఇప్పుడు తాజాగా ఇద్దరూ కలిసి లండన్ లో ప్రత్యక్షమయ్యారు.
సమంతతో విడాకులైన కొంతకాలం నుంచే చైతన్య-శోభిత డేటింగ్ వార్తలు వినిపిస్తున్నాయి. తాజాగా ఓ ఫోటో కారణంగా ఈ న్యూస్ మళ్ళీ తెరపైకి వచ్చింది. చైతన్య లండన్ లోని ఒక రెస్టారెంట్ కి వెళ్లగా, అక్కడ చెఫ్ చైతన్యతో ఫోటో దిగి దానిని సోషల్ మీడియాలో పోస్ట్ చేశాడు. అయితే ఆ ఫొటోలో వెనుక ఓ టేబుల్ దగ్గర శోభిత కూర్చున్నట్లుగా ఉంది. దీంతో శోభితతో కలిసి లండన్ వెళ్ళావా చైతన్య? అంటూ నెటిజన్లు కామెంట్స్ చేస్తున్నారు. మరికొందరైతే చైతన్య-శోభిత నిజంగానే డేటింగ్ ఉన్నారని, త్వరలోనే పెళ్లి చేసుకునే అవకాశముందని అంటున్నారు. మరి ఆ ఫొటోలో ఉంది శోభితనేనా? ఒకవేళ శోభితనే అయితే ఆమెతో చైతన్య డేటింగ్ వార్తలు నిజమేనా? అనే చర్చలు సాగుతున్నాయి.
గతంలో శోభితతో ప్రేమ వ్యవహారంపై చైతన్యను మీడియా ప్రశ్నించగా నవ్వి ఊరుకున్నాడు. మరి త్వరలోనైనా దీనిపై చైతన్య క్లారిటీ ఇస్తాడేమో చూడాలి.