మిరాయ్ 100 కోట్ల క్లబ్ లోకి.. ఎంత పెంచారో తెలుసా!
on Sep 17, 2025
తేజ సజ్జ(Teja Sajja)మంచు మనోజ్(Manchu Manoj),శ్రీయ(Shrya),రితిక నాయక్ సిల్వర్ స్క్రీన్ పై ప్రదర్శించిన అద్భుతమైన నటన, కార్తీక్ ఘట్టమనేని(Karthik Ghattamneni)దర్శకత్వ,కెమెరా పనితనం, పీపుల్ మీడియా ఫ్యాక్టరీ అధినేత టిజి విశ్వప్రసాద్(TG Vishwaprasad)నిర్మాణ విలువలు, గౌర హరి(Gowra Hari)సంగీతం 'మిరాయ్' ని పాన్ ఇండియా సిల్వర్ స్క్రీన్ పై హిట్ చిత్రంగా నిలిపాయి. ప్రేక్షకుల సంఖ్య కూడా రోజు రోజుకి పెరుగుతుండటంతో మిరాయ్ థియేటర్స్ ప్రేక్షకులతో నిండిపోతున్నాయి.
కలెక్షన్స్ పరంగా చూసుకుంటే 'మిరాయ్'(Mirai)రీసెంట్ గా 100 కోట్ల క్లబ్ లోకి చేరింది. ఈ నెల 12 న థియేటర్స్ లోకి అడుగుపెట్టిన 'మిరాయ్' కేవలం ఐదు రోజుల్లోనే '100 కోట్ల' క్లబ్ లోకి చేరడంతో సినీ విశ్లేషకులు ఆశ్చర్యాన్ని వ్యక్తం చేస్తున్నారు. తేజ సజ్జ గత చిత్రం 'హనుమాన్' 350 కోట్ల గ్రాస్ ని అందుకుంది. మరి ఈ లెక్కన టోటల్ రన్నింగ్ లో 'మిరాయ్' క్లోజింగ్ కలెక్షన్స్ ఏ విధంగా ఉంటాయనే ఆసక్తి కూడా వాళ్ళల్లో ఏర్పడింది. మిరాయ్ ప్రేక్షకాదరణ మాత్రం రోజు రోజుకి పెరుగుతుంది. దీంతో చిత్ర యూనిట్ రీసెంట్ గా 'ఆంధ్రప్రదేశ్' లోని 'విజయవాడ' లో సక్సెస్ మీట్ నిర్వహించింది.
ఈ సందర్భంగా విశ్వప్రసాద్ మాట్లాడుతు సినిమా అన్ని వర్గాల ప్రేక్షకులకి చేరువ కావాలనే టికెట్ రేట్స్ పెంచలేదనే విషయాన్నీ చెప్పాడు. ఇప్పుడు పెద్ద హీరో, చిన్న హీరో అనే తేడా లేకుండా సినిమా కంటెంట్, బడ్జెట్ ని బట్టి ఆయా ప్రభుత్వాలని అడిగి టికెట్ రేట్స్ పెంచుకోవడానికి మేకర్స్ పర్మిషన్ తీసుకుంటున్నారు. ఈ లెక్కన మిరాయ్ టికెట్ ధరలు కూడా పెరిగి ఉంటే,మిరాయ్ 5 రోజులకే 100 కోట్లు ని దాటి ఉండేదనే మాటలు సోషల్ మీడియా వేదికగా వినపడుతున్నాయి. రెండు తెలుగు రాష్ట్రాలతో పాటు ఇతర భాషల్లో 'మిరాయ్' మాములు టికెట్ రేట్స్ కే లభిస్తున్న విషయం తెలిసిందే. సినిమా హిట్ అయ్యింది కదా అనిఎక్కడ కూడా టికెట్ రేట్స్ పెంచలేదు. హిందీలో అయితే ప్రేక్షకులని థియేటర్స్ కి మరింత చేరువ కావడానికి ఒక టికెట్ కొంటే, ఇంకో టికెట్ ఫ్రీ అని ప్రకటించారు. దీంతో బాలీవుడ్ కలెక్షన్స్ రోజు రోజుకి పెరుగుతున్నాయి.
.webp)
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
