రియల్ స్టంట్ హీరో సేఫ్
on Dec 9, 2013
సినిమాల్లో రియల్ స్టంట్స్ చేసే మంచు హీరో మనోజ్ తాజాగా కారు ప్రమాదం నుండి బయటపడ్డాడు. జూబ్లీహిల్స్ నుంచి శంషాబాద్ విమానాశ్రయానికి వెళ్తున్న మనోజ్, ఔటర్రింగ్ రోడ్డు సమీపంలోని అప్పా జంక్షన్ వద్ద గేదెలు అడ్డురావడంతో కారు సడన్ బ్రేక్ వేశాడు. దాంతో కారు అదుపుతప్పి పల్టీలు కొట్టింది. స్వల్పగాయాలు కావడంతో ఆయన్ని వెంటనే అపోలో హాస్పటల్కి తరలించారు. ఈ విషయం తెలుసుకున్న మనోజ్ కుటుంబ సభ్యులు వెంటనే హాస్పిటల్ కి చేరుకొని, అతని ఆరోగ్య పరిస్తితి గురించి వైద్యులను అడిగి తెలుసుకున్నారు. తర్వాత మనోజ్ ను డిశ్చార్ చేయడంతో ఇంటికి తీసుకెళ్ళారు. మనోజ్ కు ఎలాంటి ప్రమాదం లేదని, త్వరలోనే కోలుకుంటాడని వైద్యులు చెప్పినట్లుగా మోహన్ బాబు తెలిపారు.