హాకీ ప్రాక్టీస్కి లావణ్య త్రిపాఠి ఫుల్ అటెండెన్స్
on Feb 19, 2020
'అందాల రాక్షసి', 'భలే భలే మగాడివోయ్', 'సోగ్గాడే చిన్ని నాయనా', 'శ్రీరస్తు శుభమస్తు', 'అర్జున్ సురవరం' తదితర విజయవంతమైన సినిమాల్లో అందంతో పాటు అభినయానికి ఆస్కారమున్న పాత్రల్లో లావణ్యా త్రిపాఠి నటించారు. దాంతో ఇప్పుడు వైవిధ్యమైన పాత్రలు ఆమెను వెతుక్కుంటూ వస్తున్నాయి. ప్రస్తుతం 'ఏ1 ఎక్స్ప్రెస్', 'చావు కబురు చల్లగా' సినిమాల్లో లావణ్యా త్రిపాఠి నటిస్తున్నారు.
హాకీ నేపథ్యంలో సందీప్ కిషన్ కథానాయకుడిగా నటిస్తున్న 'ఏ1 ఎక్స్ప్రెస్'లో లావణ్యా త్రిపాఠి హాకీ క్రీడాకారిణిగా కనిపించనున్నారు. క్యారెక్టర్లో పర్ఫెక్షన్ కోసం హాకీ కోర్టులో తీవ్రంగా ప్రాక్టీస్ చేస్తున్నారు. ఇతర సినిమాల షూటింగులతో బిజీగా ఉన్నప్పటికీ ఒక్క రోజు కూడా హాకీ శిక్షణకు డుమ్మా కొట్టడం లేదట. అవసరమైతే ఒక్కో రోజు రెండు గంటలు తక్కువ నిద్రపోతున్నారు కానీ, హాకీ ప్రాక్టీస్ మాత్రం మానడం లేదట. తెలుగు సినిమాలతో పాటు ప్రస్తుతం లావణ్యా త్రిపాఠి ఒక తమిళ సినిమా కూడా చేస్తున్నారు. రోజంతా చెన్నైలో తమిళ సినిమా షూటింగ్ చేసి, నైట్ ఫ్లయిట్ క్యాచ్ చేసి హైదరాబాద్ వస్తున్నారు. ఎర్లీ మార్నింగ్ హాకీ ప్రాక్టీస్ చేసి, మళ్లీ చెన్నై వెళ్లి తమిళ సినిమా షూటింగ్ చేస్తున్నారు. ఒక వారం రోజులు ఈ విధంగా చేశారు. ఇటీవల 'ఏ1 ఎక్స్ప్రెస్' లేటెస్ట్ షెడ్యూల్ షూటింగ్ స్టార్ట్ చేశారు. లావణ్యా త్రిపాఠి హార్డ్ వర్క్, డెడికేషన్ చూసిన సినిమా యూనిట్ ఆమెను అభినందిస్తున్నారు.
'ఏ1 ఎక్స్ప్రెస్'తో పాటు లావణ్యా త్రిపాఠి నటిస్తున్న మరో తెలుగు సినిమా 'చావు కబురు చల్లగా...!'. ప్రముఖ నిర్మాత అల్లు అరవింద్ సమర్పణలో జీఏ2 పతాకంపై కార్తికేయ హీరోగా రూపొందుతోంది. గీతా ఆర్ట్స్ సంస్థలో 'భలే భలే మగాడివోయ్', 'శ్రీరస్తు శుభమస్తు' సినిమాల తర్వాత లావణ్యా త్రిపాఠి నటిస్తున్న సినిమా ఇది. డార్క్ కామెడీగా తెరకెక్కిస్తున్నారు.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
