అంజలి గీతాంజలి విడుదల
on Apr 17, 2014
అంజలి ప్రధాన పాత్రలో నటిస్తున్న తాజా చిత్రం "గీతాంజలి". రాజ్ కిరణ్ దర్శకత్వంలో తెరకెక్కుతున్న ఈ చిత్రానికి ఎంవివి సత్యనారాయణ నిర్మాత. ప్రముఖ రచయిత కోన వెంకట్ సమర్పకులు. ఈ చిత్ర ఫస్ట్ లుక్ పోస్టర్ ను ఇటీవలే హైదరాబాదులో నటుడు పవన్ కళ్యాణ్ విడుదల చేసారు. ఈ సందర్భంగా కోన వెంకట్ మాట్లాడుతూ..."ఎవ్వరూ ఊహించని విధంగా ఈ సినిమా సాగిపోతుంది. నవ్విస్తూ, భయపెట్టేలా దర్శకుడు ఈ చిత్రాన్ని రూపొందిస్తున్నాడు. అంజలి కెరీర్ లో ఈ సినిమా ఓ మైలురాయిగా నిలుస్తుంది. పవన్ చేతుల మీదుగా ఫస్ట్ లుక్ విడుదల కావడం చాలా ఆనందంగా ఉంది" అని అన్నారు. ఈ చిత్ర షూటింగ్ ఇప్పటికే యాభై శాతం పూర్తయ్యిందని, జూన్ లో సినిమాను విడుదల చేయడానికి సన్నాహాలు చేస్తున్నట్లుగా నిర్మాత తెలిపారు.