బిగ్ బాస్ విన్నర్ ఇంటిపై కాల్పుల వర్షం..
on Aug 17, 2025
బిగ్ బాస్ విన్నర్ ఇంటిపై ఏకంగా 24 రౌండ్లు కాల్పులు జరిపిన ఘటన హర్యానాలో చోటు చేసుకుంది. ప్రముఖ యూట్యూబర్, బిగ్ బాస్ హిందీ ఓటీటీ సీజన్-2 విజేత ఎల్విష్ యాదవ్ గురుగ్రామ్లో నివాసముంటున్నాడు. ఆదివారం తెల్లవారుజామున 5:30-6 ప్రాంతంలో గుర్తు తెలియని దుండగులు బైక్లపై వచ్చి.. ఎల్విష్ ఇంటిపై కాల్పులు వర్షం కురిపించారు. అయితే ఆ సమయంలో ఎల్విష్ యాదవ్ ఇంట్లో లేడు.
ఈ కాల్పులకు హిమాన్షు భావు గ్యాంగ్ బాధ్యత వహిస్తూ.. ఎల్విష్ బెట్టింగ్ యాప్స్ ని ప్రమోట్ చేస్తున్నాడని, అతనికి వార్నింగ్ ఇవ్వడం కోసమే ఈ కాల్పులు జరిపినట్లు సోషల్ మీడియాలో పోస్ట్ చేసింది. ఈ ఘటనపై పోలీసులు దర్యాప్తు చేస్తున్నారు. సీసీటీవీ ఫుటేజ్ ను పరిశీలించిన పోలీసులు.. ముగ్గురు వ్యక్తులు కాల్పులకు పాల్పడినట్లు గుర్తించారు.
వివాదాస్పద యూట్యూబర్ గా ఎల్విష్ యాదవ్ కి పేరుంది. గతంలో రెస్టారెంట్ లో ఒక వ్యక్తిపై చేయి చేసుకోగా.. పోలీస్ కేసు నమోదైంది. ఇటీవల రేవ్ పార్టీ కూడా నిర్వహించి పట్టుబడ్డాడు. ఇలా ఏదో ఒక వివాదంతో వార్తల్లో నిలిచే ఎల్విష్.. ఇప్పుడు కాల్పుల ఘటనతో మరోసారి వార్తల్లో నిలిచాడు.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
