చిరు హీరోనా... జోకరా?
on Apr 23, 2015
పాలిటిక్స్ లో జోకర్ అయిపోయిన మెగాస్టార్ మళ్లీ ముఖానికి రంగేసుకుంటా అని గత రెండు సంవత్సరాలుగా డప్పుకొడుతూనే వున్నాడు. కానీ ఇంతవరకు దాని సంగతే తేల్చలేదు. లేటెస్ట్ గా ఫిల్మ్ నగర్ లో చిరు150వ సినిమాపై ఆసక్తికరమైన చర్చలు నడుతున్నాయి. అవి ఏమిటంటే ..ఒకప్పుడు చిరు అంటే డాన్సులు, చిరు అంటే ఫైట్స్, చిరు అంటే కామెడీ..మరి ఇప్పుడు ఆ పరిస్థితి వుందా? మునుపటిలా చిరంజీవి డాన్సులు, ఫైట్లు చేస్తారా.? అన్నది అనుమానమే. రాజకీయాల్లోకి వెళ్ళాక చిరంజీవి బాడీ లాంగ్వేజ్లో చాలా తేడాలు వచ్చేసి వుంటాయనీ, అవి తెరపై నటన విషయంలో చాలా ప్రభావం చూపుతాయనీ సినీ వర్గాల్లో గుసగుసలు విన్పిస్తున్నాయి.
గత రెండు సంవత్సరాలుగా ఎలాంటి సినిమా చేయాలో చిరంజీవికే అర్థం కాని పరిస్థితి. దాంతో ఎవరితో సినిమా చేయాలి? ఎలాంటి సినిమా చేయాలి ? అన్నదానిపై కిందా మీదా పడ్తున్నారే తప్ప, ఫలానా సినిమా చేస్తున్నా. అని ధైర్యంగా చిరంజీవి ప్రకటించలేకపోతున్నారు. దీంతో ఆయన ఇమేజ్ పై ఆయనకే అనుమానాలు ఏర్పడయన్నఅభిప్రాయాలు వ్యక్తమవుతున్నాయి. ఈ విషయాలు విన్న మెగాస్టార్ ఫ్యాన్స్ మాత్రం.. ఇంద్ర సినిమాలోని డైలాగులను గుర్తు చేస్తున్నారు. రాజకీయాల్లోకి పోయాడు.. ఫ్లాప్ అయ్యాడు అనుకుంటున్నారా.. సినిమాల్లో మాత్రం అవే డాన్స్, ఫైట్స్త తో మళ్ళీ మెగాస్టార్ ని గుర్తుచేస్తాడని అంటున్నారు.
మరి మెగా ఫ్యాన్స్ అంటున్న విషయాన్ని చిరంజీవి సీరియస్ గా తీసుకుంటారా..? మళ్ళీ తన ఫైట్స్, డ్యాన్స్ లతో ఒకప్పటి జోష్ ని గుర్తుకు తెస్తారా..? లేక ఆయన డ్యాన్సులు, ఫైట్లు చూసి ఫ్యాన్స్ ఇబ్బంది పడేలా చేస్తాడా.. అన్నది చిరంజీవికే తెలియాలి.