వీరభద్రంకు "భాయ్" మరో ఆఫర్
on Jul 16, 2013
నాగార్జునతో "భాయ్" చిత్రానికి దర్శకత్వం వహిస్తున్న దర్శకుడు వీరభద్రంకు ఈ మధ్య లక్కు బాగానే కలిసొస్తున్నట్లుంది. ప్రస్తుతం "భాయ్" చిత్రంతో బిజీగా ఉన్న వీరభద్రంకు నాగార్జున మరో సినిమాకు కూడా అవకాశం ఇచ్చాడంట. అది కూడా తన కొడుకు నాగచైతన్య సినిమాకు.
నిజానికి నాగార్జున "భాయ్" చిత్రానికి వస్తున్న పాజిటివ్ టాక్ వల్లనే ఈ నిర్ణయం తీసుకున్నట్లు తెలుస్తుంది. ఈ చిత్రానికి సంబంధించిన సాటిలైట్ హక్కులు భారీ మొత్తానికి అమ్ముడు పోవడంతో నిర్మాతలంతా వీరభద్రంతో సినిమా చేయడానికి సిద్ధంగా ఉన్నారంట. అందుకే ముందు జాగ్రత్త కోసమని నాగచైతన్యతో ఓ సినిమా చేయమని నాగార్జున వీరభద్రంకు చెప్పడం, దానికి వీరభద్రం ఒప్పుకొని కథ కూడా తయారుచేసే పనిలో ఉన్నట్లు తెలిసింది.
అయితే ప్రస్తుతం వీరభద్రం "భాయ్" చిత్రం షూటింగ్ లో బిజీగా ఉన్నాడు. త్వరలోనే ఈ చిత్రాన్ని విడుదల చేయడానికి సన్నాహాలు చేస్తున్నారు.