బిగ్ సర్ ప్రైజ్.. శంకర్ దర్శకత్వంలో పవన్ కళ్యాణ్!
on Jun 5, 2023
కోలీవుడ్ స్టార్ డైరెక్టర్ శంకర్ ప్రస్తుతం మెగా పవర్ స్టార్ రామ్ చరణ్ తో 'గేమ్ ఛేంజర్' అనే చిత్రాన్ని చేస్తున్న సంగతి తెలిసిందే. ప్రముఖ నిర్మాత దిల్ రాజు ఈ చిత్రాన్ని భారీ బడ్జెట్ తో నిర్మిస్తున్నారు. నిజానికి ఈ కథని పవర్ స్టార్ పవన్ కళ్యాణ్ తో చేయాలని శంకర్ భావించారు. అయితే దిల్ రాజు సూచనతో శంకర్ ఈ కథని రామ్ చరణ్ కి చెప్పారు. అలా శంకర్-పవన్ కాంబినేషన్ లో సినిమా మిస్ అయింది. అయితే వచ్చే ఏడాది వీరి కాంబోలో సినిమా రూపొందే అవకాశముందని తెలుస్తోంది. పవన్ కోసం శంకర్ మరో అదిరిపోయే కథని సిద్ధం చేస్తున్నట్లు సమాచారం.
పవన్ కళ్యాణ్ ఓ వైపు రాజకీయాలతో బిజీగా ఉంటూనే, మరోవైపు వరుస సినిమాలతో దూసుకుపోతున్నారు. ప్రస్తుతం ఆయన చేతిలో 'బ్రో', 'ఓజీ', 'ఉస్తాద్ భగత్ సింగ్', 'హరిహర వీరమల్లు' వంటి సినిమాలు ఉన్నాయి. వచ్చే ఏడాది ఏపీ అసెంబ్లీ ఎన్నికల నేపథ్యంలో ఆయన వీలైనంత త్వరగా ఈ సినిమాలను పూర్తి చేసే పనిలో ఉన్నారు. ఎన్నికల తర్వాతే ఆయన కొత్త సినిమాలను ప్రకటించే అవకాశముంది. అలా కొత్తగా ప్రకటించే సినిమాల్లో శంకర్ ప్రాజెక్ట్ ముందు వరుసలో ఉంటుంది అంటున్నారు.
శంకర్ ప్రస్తుతం 'గేమ్ ఛేంజర్'తో పాటు 'ఇండియన్-2' సినిమా చేస్తున్నారు. ఈ రెండు సినిమాలు పూర్తయ్యాక.. ఆయన తన పూర్తి దృష్టి పవన్ ప్రాజెక్ట్ పై పెట్టనున్నారని తెలుస్తోంది. ఇప్పటికే ఓ స్టోరీ లైన్ కూడా అనుకున్నారట. శంకర్ తన సినిమాలలో ఎక్కువగా సామాజిక అంశాలను చర్చిస్తుంటారు. మరోవైపు పవన్ రియల్ లైఫ్ లో ఎక్కువగా సమాజం గురించి ఆలోచిస్తుంటారు. అలాంటిది ఈ ఇద్దరి కలిసి సినిమా చేస్తే.. కేవలం ప్రకటనతోనే అంచనాలు ఆకాశాన్నంటుతాయి అనడంలో సందేహం లేదు.
Also Read
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
