మరో 'జయం' కి 'సై'య్యా?
on Apr 7, 2015
.jpg)
అప్పుడెప్పుడో 'జయం'తో జెండాపాతాడు...ఆ తర్వాత 'సై'అన్నాడు.ఆ తర్వాత వరుస ఫ్లాపులతో ఉన్నట్టుండి పరారయ్యాడు. మళ్లీ ఒక్కసారిగా ప్రేమతో (ఇష్క్) తో వచ్చి 'గుండెజారి గల్లంతయ్యే'లా చేశాడు. కానీ ఏం లాభం మళ్లీ కాస్త డైలమాలో పడ్డాడు కుర్రాడు నితిన్. సక్సెస్ ట్రాక్ ఎక్కాం కదా అని పూరీతో చేయికలిపితే...అదికాస్త 'హార్ట్ ఎటాక్' తెప్పిచ్చింది. అయితే సినిమా రిలీజైన మొదటి వారంకన్నా ఆ తర్వాత పుంజుకున్నా కమర్షియల్ గా సక్సెస్ అందుకోలేదనే చెప్పాలి. హార్ట్ ఎటాక్ నుంచి కోలుకోకముందే చిన్నదాననీకోసం అన్నా ఎవ్వరూ పట్టించుకోలేదు. దీంతో ఏం చేయాలా అనే ఆలోనలో పడ్డారు. పూరీ మరోసారి అనడంతో సై అన్నాడే కానీ..... ఆ ప్రాజెక్టు ఎప్పుడు మొదలవుతుందో క్లారిటీ లేదు. దీంతో ఈ గ్యాప్ లో ఏదో ఒకటి చేసేద్దాం అని ఫిక్సైయ్యాడట. అందుకే అప్పుడెప్పుడో పక్కనపడేసిన కొరియర్ బాయ్ కళ్యాణ్ ను మళ్లీ పిలిచే పనిలో పడ్డాడు. కొన్ని సీన్లు రీ షూట్ చేసి మార్కెట్లోకి వదిలితే తప్పనిసరిగా మంచి రిజల్ట్ ఉంటుందనే ఆలోచనలో ఉన్నాడట. అనుకున్నదే తడవుగా ఆ పనిలో బిజీ అయిపోయాడు. అన్నీ కుదిరితే మరో నెలలో థియేటర్లలో సందడి చేయడం ఖాయం. మరి మేకప్ వేసుకుని వస్తున్న కొరియర్ బాయ్ కళ్యాణ్ డిమాండ్ ఉంటుందా? వెయిట్ అండ్ సీ!
.jpg)
.jpg)
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
