త్రివిక్రమ్ దర్శకత్వంలో సమంత, మహేష్

on Nov 25, 2014

మహేష్ బాబు, త్రివిక్రమ్ కలిసి సినిమా చేయడానికి ఇంకా టైమ్ వుంది కానీ ఈలోగా అభిమానులను అలరించడానికి ఓ వేదిక ద్వార మీ ముందుకు వస్తున్నారు. హుద్ హుద్ తుఫాన్ బాధితుల సహాయార్థం తెలుగు పరిశ్రమ ‘మేము సైతం – వి లవ్ వైజాగ్’ అనే ఈవెంట్ ని జరపబోతున్న విషయం తెలిసిందే. ఈ నెల 30న 12గంటల పాటు నిరవధికంగా జరగనున్న ఈ ఈవెంట్ లో డాన్సులు, కామెడీ స్కిట్స్.. ఇలా బోల్డన్ని ప్రోగ్రామ్స్ జరగనున్నాయి. అందులో ఓ స్పెషల్ స్కిట్ ను ఈ ముగ్గురు కలిసి చేయబోతున్నట్లు తెలుస్తోంది. ఈ స్కిట్ ని త్రివిక్రమ్ డైరెక్ట్ చేస్తారు. సో… మహేష్, సమంత ఈ స్కిట్ తో ప్రేక్షకులను అలరించడం ఖాయం. 30న 12 గంటల పాటు జరగనున్న ‘మేము సైతం’ ప్రోగ్రామ్ ప్రత్యక్ష ప్రసారం జెమిని చానెల్ లో ప్రసారం కానుంది. ఈ కార్యక్రమం ద్వారా వచ్చే డబ్బులను తుఫాన్ భాదితుల సహాయార్ధం డొనేట్ చేయనున్నారు.