అఖిల్ తో బండ్ల గణేష్ క్రేజీ ప్రాజెక్ట్..!!
on Sep 2, 2015
.jpg)
నిర్మాత అవతారమెత్తాక ఆపకుండా సినిమాలు చేశాడు బండ్ల గణేష్. క్రేజీ కాంబినేషన్లు సెట్ చేయడం మనోడికి అలవాటు. ఈ కాంబినేషన్ క్రేజ్ తోనే తన ప్రతి సినిమాకూ హైప్ తీసుకొచ్చాడు. ఐతే పూరి జగన్నాథ్, ఎన్టీఆర్ ల కాంబినేషన్లో ‘టెంపర్’ తీసి సక్సెస్ కొట్టిన బండ్ల.. ఆ తర్వాత ఎందుకో సైలెంటైపోయాడు. కొన్ని ఆర్థిక వివాదాలు కూడా దీనికి కారణం కావచ్చు. ఐతే మరీ గ్యాప్ ఎక్కువైతే ఇండస్ట్రీ తనను మరిచిపోతుందని భావించి.. ఇప్పుడిప్పుడే తర్వాతి ప్రాజెక్టు మీద దృష్టిపెట్టినట్లు సమాచారం. ఈ ప్రాజెక్టుకు కూడా ఎప్పట్లాగే క్రేజీ కాంబినేషన్ సెట్ చేయడానికి బండ్ల సన్నాహాలు చేస్తున్నట్లు తెలుస్తోంది. ఆ కాంబినేషన్ గురించి తెలిస్తే ఎవరైనా ఆశ్చర్యపోవడం ఖాయం.
వి.వి.వినాయక్ సినిమాతో అరంగేట్రం చేయబోతున్న అఖిల్ తో సినిమా తీయడానికి చూస్తున్నాడట బండ్ల. ఇప్పటికే నాగార్జునను ప్రసన్నం చేసుకునే పనిలో బిజీగా ఉన్నాడట. మనోడి క్రేజీ ఆఫర్ చూసి నాగ్ కూడా ఆసక్తితోనే ఉన్నట్లు సమాచారం. ఇంతకీ ఈ సినిమాకు డైరెక్టర్ గా బండ్ల చెబుతున్న పేరేంటో తెలుసా.. కొరటాల శివ. మిర్చి, శ్రీమంతుడు లాంటి సూపర్ సక్సెస్ లతో టాప్ రేంజికి వెళ్లిపోయాడు కొరటాల. బండ్లతో ఓ సినిమా చేయడానికి అతను గతంలో అడ్వాన్స్ తీసుకున్నాడు. బండ్ల నిర్మాణంలో రామ్ చరణ్ తో కొరటాల సినిమాకు ముహూర్తం కూడా జరిగింది. కానీ అనుకోని కారణాలతో ఆ సినిమా పక్కకు వెళ్లిపోయింది. శ్రీమంతుడుతో బిజీ అయిపోయాడు కొరటాల. ఐతే ఇప్పుడు మళ్లీ పాత కమిట్మెంట్ ను గుర్తు చేసి తన నిర్మాణంలో సినిమా చేయడానికి హామీ తీసుకున్నాడట బండ్ల. ఐతే కొరటాల హడావుడిగా కథ రాసేసి సినిమా మొదలుపెట్టేసే టైపు కాదు. స్క్రిప్టు తయారు చేయడానికి బాగా టైం తీసుకుంటాడు. మరి అతను కథ పూర్తి చేసి రెడీ అయ్యేసరికి అఖిల్ అందుబాటులో ఉంటాడో లేదో.. బండ్ల అనుకున్న కాంబినేషన్ తెరమీదికి వస్తుందా లేదా చూడాలి.
.jpg)
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
