సంజయ్ లీలా భన్సాలీ దర్శకత్వంలో తెరకెక్కుతున్న ప్రతిష్టాత్మక చిత్రం ‘లవ్ అండ్ వార్’ పై ప్రేక్షకుల్లో భారీ అంచనాలు ఉన్నాయి. రణ్బీర్ కపూర్, అలియా భట్, విక్కీ కౌశల్ తొలిసారి కలిసి నటిస్తున్న ఈ చిత్రం భారతీయ సినీ పరిశ్రమలో ప్రత్యేక చిత్రంగా నిలిచేందుకు సిద్ధమవుతోంది. ఇప్పటికే రణ్బీర్ కపూర్, అలియా భట్ ఫస్ట్ లుక్ పోస్టర్లను విడుదల చేసిన చిత్రబృందం.. తాజాగా విక్కీ కౌశల్ ఫస్ట్ లుక్ పోస్టర్ను విడుదల చేసింది. ఈ పోస్టర్ ప్రస్తుతం సోషల్ మీడియాలో వైరల్ అవుతోంది.
పోస్టర్లో విక్కీ కౌశల్ సిగరెట్, లైటర్తో కనిపిస్తూ ఎంతో ఇంటెన్స్గా చూస్తున్న తీరు ఆకట్టుకుంటోంది. ఇప్పటివరకు చూడని విభిన్నమైన లుక్లో విక్కీ కనిపించడం విశేషం. ఆయన లుక్లో స్టైల్, చార్మ్తో పాటు పాత్రలోని తీవ్రత కూడా స్పష్టంగా కనిపిస్తోంది.
భన్సాలీ సినిమాల్లో హీరోల పాత్రలకు ప్రత్యేకమైన రూపాన్ని, స్టైల్ను అందిస్తుంటారు. అదే తరహాలో విక్కీ కౌశల్ లుక్ కూడా ప్రేక్షకుల్లో ఆసక్తిని పెంచుతోంది. రణ్బీర్, అలియా తర్వాత ఇప్పుడు విక్కీ ఫస్ట్ లుక్ కూడా ‘లవ్ అండ్ వార్’ పై అంచనాలను మరింత పెంచింది. ముగ్గురు నటుల ఫస్ట్ లుక్ పోస్టర్లు మూడు విభిన్నమైన పాత్రలను, మూడు ప్రత్యేకమైన ప్రపంచాలను పరిచయం చేస్తున్నాయి. విక్కీ పోస్టర్ మాత్రం సినిమాకు మరింత ఇంటెన్స్ టచ్ను తీసుకొచ్చింది.
‘లవ్ అండ్ వార్’ చిత్రం 2027 జనవరి 21న ప్రపంచవ్యాప్తంగా హిందీ, తమిళం, తెలుగు భాషల్లో విడుదల కానుంది.
ఇది కూడా చదవండి: రాత్రంతా నిద్రపోలేదు.. సూర్య సినిమా చూసి కన్నీళ్లు పెట్టుకున్న సూపర్ స్టార్.!
[Love And War Movie, Vicky Kaushal First Look, Sanjay Leela Bhansal, Ranbir Kapoor, Alia Bhatt, Vicky Kaushal, Telugu Film News, Telugu News]
