సుదీర్ఘ కాలం నుంచి తన నటనతో అభిమానులు,ప్రేక్షకులని అలరిస్తు వస్తున్న సల్మాన్ ఖాన్(Salman KHan)తన కెరీర్ లో చూడని విజయం, సృష్టించని రికార్డు లేదు. ఈ ఏడాది మార్చిలో 'సికిందర్' అనే మూవీతో ప్రేక్షకుల ముందుకు వచ్చాడు. రిలీజ్ కి ముందు అభిమానులతో పాటు ప్రేక్షకుల్లో మంచి అంచనాలని క్రియేట్ చేసిన సికందర్ బాక్స్ ఆఫీస్ వద్ద పరాజయాన్ని చవి చూసింది. మురుగుదాస్ దర్శకత్వంలో తెరకెక్కిన ఈ మూవీలో రష్మిక హీరోయిన్ గా చేసింది.
  
ఈ సారి ఎలాగైనా హిట్ ని అందుకోవాలని అపూర్వ లఖియా దర్శకత్వంలో ఒక మూవీకి సల్మాన్ గ్రీన్ సిగ్నల్ ఇచ్చినట్టుగా వార్తలు వస్తున్నాయి. మిలటరీ డ్రామా నేపథ్యంలో వాస్తవ సంఘటనలని ఈ కథలో చూపించబోతున్నట్టుగా తెలుస్తుంది. అపూర్వ లఖియా నుంచి  గతంలో మిషన్ ఇస్తానూబుల్, తుఫాన్, క్రాక్ డౌన్, హసీనా పర్కర్ వంటి పలు విభిన్న చిత్రాలు వచ్చాయి. దీంతో ఈ ఇద్దరి కాంబో పై అందరిలో ఆసక్తి నెలకొని ఉంది.  సల్మాన్ సరసన' చిత్రామ్ గధ  హీరోయిన్ గా చేస్తుండగా, ఇటీవల ప్రేక్షకుల ముందుకు వచ్చిన 'హౌస్ ఫుల్ 5 'తో  చిత్రామ్ గధ మంచి విజయాన్ని అందుకుంది. ఆమె సల్మాన్ తో తొలిసారిగా స్క్రీన్ షేర్ చేసుకుంటుంది.

ఇక సల్మాన్ ఈ శనివారం నెట్ ఫ్లిక్స్ వేదికగా టెలికాస్ట్ కానున్న 'ది గ్రేట్ ఇండియన్  కపిల్ షో సీజన్ 2 ' మొదటి ఎపిసోడ్ కి  గెస్ట్ గా రానున్నాడు. ఈ ఎపిసోడ్ కి సంబంధించిన ప్రోమో రిలీజ్ అయ్యింది. అందులో సికందర్ ప్లాప్ గురించి సల్మాన్ చెప్పిన మాటలు నవ్వులని పూయిస్తున్నాయి.