స్టార్ మాలో ఈమధ్య కొత్త కొత్త సీరియల్స్ హడావిడి బాగా జోరుగా సాగుతోంది. బ్రహ్మముడి, మధురానగరిలో వంటి సీరియల్స్ స్టార్ట్ అయ్యాయి. ఇప్పుడు మరో కొత్త సీరియల్ రాబోతోంది. ఐతే అది డివోషనల్ సీరియల్ అన్నమాట. "దుష్ట సంహారం కోసం ఒకే ఆత్మలో రెండు శక్తులు పరాశక్తి స్వరూపాలుగా అవతరించిన ఇద్దరు అమ్మాయిల కథ..శ్రీ రేణుకా ఎల్లమ్మ" అంటూ త్వరలో ప్రసారం కావడానికి ప్రోమోని రెడీ చేసి సోషల్ మీడియాలో రిలీజ్ చేసింది స్టార్ మా. ఐతే ఈ సీరియల్ టైం స్లాట్ వస్తుంది అనే విషయం ప్రస్తుతానికి రివీల్ చేయలేదు.

ఐతే ఈ సీరియల్ కన్నడలో స్టార్ సువర్ణ ఛానల్ లో ప్రసారమవుతున్న "ఊదోఊదో శ్రీ రేణుక ఎల్లమ్మకు డబ్బింగ్ వెర్షన్ త్వరలో తెలుగులో ప్రసారం కాబోతోంది. ఈ సీరియల్ లో చైల్డ్ ఆర్టిస్ట్ సర్వారి ఎల్లమ్మ రోల్ లో నటిస్తోంది. ఈ చిన్నారి చార్లీ మూవీలో కూడా నటించింది. రేణుక రోల్ లో నమ్మ భైరవి నటిస్తోంది. ఇందుమతి రోల్ లో తేజస్విని శేఖర్, మంగళా దేవి రోల్ లో వీణ పొన్నప్ప, విష్ణుమూర్తి రోల్ లో ఆర్యన్ రాజ్, రేణు మహారాజ్ రోల్ లో తారక్ పొన్నప్ప, స్వర్ణలత రోల్ లో లక్ష్య శెట్టి నటిస్తోంది.

స్టార్ మా ఛానెల్ లో ప్రసారమయ్యే సీరియల్స్ టాప్ 10లో ఉంటున్నాయి. వీటిల్లో ఎక్కువశాతం బ్రహ్మముడి, గుప్పెడంత మనసు, ఇంటింటి గృహలక్ష్మి, కృష్ణ ముకుంద మురారి, మల్లీలాంటి సీరియల్స్ ఉన్నాయి. ఇక ఇప్పుడు ఈ కొత్త సీరియల్ ఎలా ఉండబోతోంది ఏ టైం స్లాట్ లో ప్రసారం కాబోతోంది అన్న విషయం తెలియాలంటే కొన్ని డేస్ వెయిట్ చేయాల్సిందే.