స్టార్ మా టీవీలో ప్రసారమవుతున్న సీరియల్ 'గుప్పెడంత మనసు'. ఈ సీరియల్ సోమవారం నాటి ఎపిసోడ్ -946 లో... శైలేంద్రని ఇంటరాగేషన్ చేస్తానని ముకుల్ వస్తాడు. ఈ టైమ్ లో ఎందుకని ఫణీంద్ర అనగానే.. మీరు ఇప్పుడు మీ కొడుకు అని ఆలోచిస్తున్నారా అని ముకుల్ అంటాడు. నేను ముందే చెప్పాను తప్పెవరు చేసిన శిక్ష పడాలి. అది నా కొడుకు అయిన సరే కానీ వాడి సిచువేషన్ బాగాలేదు. కొంచెం టైమ్ తీసుకొని మీ డ్యూటీ చెయ్యండి అని అంటున్నానని ఫణీంద్ర అంటాడు.

మరొకవైపు శైలేంద్ర దగ్గరికి దేవయాని వచ్చి.. తనపై నిజంగానే ఎటాక్ జరిగిందని బాధపడుతు ఉంటుంది. అప్పుడు శైలేంద్ర కళ్ళు తెరిచి చూడగానే.. ప్రశ్నల మీద ప్రశ్నలు దేవయాని అడుగుతుంటుంది. ఎటాక్ చేసింది ఎవరో గానీ కరెక్ట్ గురి చూసి కొట్టారని శైలేంద్ర అనగానే.. దేవయాని తన మాటలతో శైలేంద్రకి చిరాకు తెప్పిస్తుంది. ఆ తర్వాత అసలు విషయం చెప్దామని శైలేంద్ర అనుకుంటాడు. అప్పుడే బయట ఉన్న ముకుల్ ని చూసి మళ్ళీ శైలేంద్ర సైలెంట్ గా పడుకొని ఉంటాడు. ఆ ముకుల్ లోపలికి రాకుండా నేను ఆపుతానంటూ దేవయని బయటకు వెళ్తుంది. ఆ తర్వాత శైలేంద్రని ఇంటరాగేషన్ చేస్తానని ముకుల్ అనగానే.. వద్దు అంటూ దేవయాని అడ్డుపడుతుంది. ఈ సిచువేషన్ లో ఇంటరాగేషన్ ఏంటి? అని దేవయాని అక్కడ ఉన్నవాళ్ళని దబాయిస్తుంటుంది.

ఆ తర్వాత దేవయాని మాటలని ముకుల్ పట్టించుకోకుండా లోపలికి వెళ్లి శైలేంద్రని మాట్లాడించే ప్రయత్నం చేస్తాడు. ఆ తర్వాత శైలేంద్ర మెల్లిగా ముకుల్ తో మాట్లాడాలని ట్రై చేస్తాడు దాంతో శైలేంద్రకి ముకుల్ వాయిస్ రికార్డు వినిపిస్తానని అనగానే.. మళ్ళీ ఎదో అయినట్లుగా శైలేంద్ర యాక్ట్ చేస్తాడు. దాంతో డాక్టర్ వచ్చి అందరిని బయటకు పంపిస్తాడు. శైలేంద్రపై జరిగిన ఎటాక్ గురించి కూడా ఇన్వెస్టిగేషన్ చేస్తానని, రిషి వస్తే కాల్ చెయ్యమని చెప్పండి అంటూ ముకుల్ వెళ్లిపోతాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.