స్టార్ మా టీవీలో ప్రసారమైన సీరియల్స్ లలో 'ఎన్నెన్నో జన్మలబంధం' సీరియల్ కి ఒక క్రేజ్ ఉంది. ఇందులో వేద, యష్ ల జోడీకి చాలా ఫ్యాన్ బేస్ ఉంది. గుప్పెడంత మనసులో వసుధార-రిషి కాంబినేషన్ తర్వాత మళ్ళీ అంతటి పేరొచ్చింది వేద-యష్ ల జోడీకే అని చెప్పాలి. వీరిద్దరి కలిసి చేసిన ఆ సీరియల్ తొందరగా ముగిసింది. అయితే ఈ సీరియల్ అభిమానులు వీళ్ళ జంటని మళ్ళీ చూడాలని చాలాసార్లు కామెంట్లు చేశారంట. అందుకే వీరిద్దరి కలయికతో 'సత్యభామ' సీరియల్ మొదలైంది.

స్టార్ మా టీవీలో డిసెంబర్ 19 న రాత్రి 9:30 కి 'సత్యభామ' మొదటి ఎపిసోడ్ టెలికాస్ట్ అయింది. అయితే ఇందులో క్రిష్ గా నిరంజన్,
సత్యభామగా దెబ్జానీ మోదక్, ఈ కొత్త సీరియల్ లో క్రిష్ గా నిరంజన్ ని, సత్యభామ క్యారెక్టర్ గా మోదక్ ని పరిచయం చేస్తు ప్రారంభమైంది. ఇందులో హీరోయిన్ సత్యభామ(దెబ్జాని మోదక్) గా కొంచెం కోపంగా, అమ్మాయిలు పట్ల జరిగే, అన్యాయాలను ఎదిరించడానికి సత్యభామగా మన ముందుకు వచ్చేసింది. ఇక సత్యభామ వాళ్ళ నాన్న గొడవలకి ఎప్పుడు వెళ్ళొద్దంటూ బయపడుతూ సున్నితంగా ఉండాలని ఆలోచించే స్వభావం కలవాడు. సత్యభామ చెల్లెలు కాలేజీలో చదువుతుంటుంది. సత్యభామ ఎంబీఏ చదువు పూర్తి చేసుకొని గోల్డ్ మెడల్ తో ఇంటికొస్తుంది. ఇక సత్యభామ వాళ్ళ ఊరిలో జాతర సాగుతుంటుంది‌. అక్కడ ఒక రౌడీ సత్యభామని చూసి వల్గర్ గా మాట్లాడటంతో వాడి చెంప చెల్ళుమనిపిస్తుంది. ఇక అప్పుడే అక్కడికి పోలీసులు వచ్చి అమ్మాయిలను వేధిస్తున్నాడని వాడిని తీసుకెళ్తారు. ఆ గొడవ అంతా దూరంగా చూసిన సత్యభామ వాళ్ళ నాన్న కంగారుపడుతుంటాడు. నా కూతరుకి ఆ రౌడీ ఏ ఆపద తీసుకొస్తాడో ఏమోనని భయపడుతుంటాడు.

ఇక అదే సమయంలో క్రిష్(నిరంజన్) తన ఫ్రెండ్స్ తో కలిసి జులాయిగా తిరుగుతూ, కబుర్లు చెప్పుకుంటూ ఉంటాడు. క్రిష్ వాళ్ళ నాన్న పెద్ద రౌడీగా పరిచయమవుతాడు. తనని నమ్మించి మోసం చేస్తే ప్రాణాలు తీసేదాకా వదిలిపెట్టని రౌడీలా క్రిష్ నాన్న పాత్రని తీర్చిదిద్దారు. మరి ఒక ఉద్యోగం అంటు ఏమీ లేని రౌడీ క్రిష్, ఎంబీఏలో గోల్డ్ మెడల్ తెచ్చుకున్న సత్యభామ ఎలా ప్రేమలో పడతారు? ఒకవేళ వాళ్ళు ప్రేమించుకుంటే ఇంట్లో వాళ్ళు ఒప్పుకుంటారా అనేది మిగతా కథ.. మరి ఈ సీరియల్ ని మొదలై‌న నుండి ఒక్క ఎపిసోడ్ కూడా మిస్ అవ్వకుండా చూస్తున్నవాళ్ళు.. ఈ సీరియల్ కథని ఇష్టపడ్డవాళ్ళు.. వేద, యశ్ ల కాంబినేషన్ మళ్ళీ స్క్రీన్ మీద చూసి హ్యాపీగా ఫీల్ అవుతున్నవాళ్ళెవరో కామెంట్ చేయండి.