ఆర్జే కాజల్ .. తన వాయిస్ తో కోట్లాది మందికి పరిచయమైంది. సోషల్ మీడియాలో తనకు క్రేజ్ మాములుగా లేదనే చెప్పాలి. బిగ్ బాస్ సీజన్-5 ముందువరకు తన వాయిస్ తో బిగ్ బాస్ రివ్యూలు చెప్పిన కాజల్.. బిగ్ బాస్ సీజన్-5 లో ఎంట్రీతో లైవ్ లో తన నడవడితో తనకున్న ఫ్యాన్ బేస్ ని పెంచుకుంది. బిగ్ బాస్ హౌజ్ లో ఉన్నప్పుడు షణ్ముఖ్, సిరిలతో మొదటి నాలుగువారాలు కలిసి ఉన్న కాజల్ ఆ తర్వాత వారికి దూరమైంది. ఆ తర్వాత హౌస్ లో టాప్-6 లో ఉన్న కాజల్.. ఎలిమినేట్ అయి టాప్-5 కి దూరమైంది. బయటకొచ్చాక తనకి సినిమా అవకాశాలు పెరిగాయి.

ఆర్జే కాజల్ తనకు సంబంధించిన విషయాలని ఇన్ స్టాగ్రామ్ లో రెగ్యులర్ గా షేర్ చేస్తుంటుంది. అదే కాకుండా తన యూట్యూబ్ ఛానెల్ లో కూడా వ్లాగ్ లుగా అప్లోడ్ చేస్తుంటుంది. అయితే తాజాగా తను ఫ్యామిలీతో కలిసి ఒక ట్రిప్ ప్లాన్ చేసి వ్లాగ్ చేయగా దానికి మంచి వ్యూస్ వచ్చాయి. అలాగే తాజాగా తన యూట్యూబ్ ఛానెల్ లో 'క్రేజీ టాక్స్ విత్ ఆర్జే కాజల్' ని స్టార్ట్ చేసింది.

క్రేజీ టాక్స్ విత్ ఆర్జే కాజల్ లో ఆర్జే చైతు పార్టిసిపేట్ చేసాడు. దాంతో కాజల్ కొన్ని ఆసక్తికరమైన ప్రశ్నలు చైతుని అడిగింది. నీకు రెడ్ ఎఫ్ఎమ్ ఇష్టమా? లేక బిగ్ బాస్ ఇష్టమా? అని కాజల్ అడుగగా.. నాకు ఇప్పటికీ ఎప్పటికీ రెడ్ ఎఫ్ఎమ్ అంటేనే ఇష్టమని చైతు రిప్లై ఇచ్చాడు. దాంతో కాజల్ షాక్ అయి ఎందుకని అడుగగా.. నాకు ఫస్ట్ నుండి పేరు తెచ్చింది రెడ్ ఎఫ్ఎమ్.‌ నాకంటూ ఒక గుర్తింపు వచ్చింది రెడ్ఎఫ్ ద్వారానే అని సమాధానమిచ్చాడు చైతు. నీకు టఫ్ కాంపిటీషన్ ఇస్తున్న ఆర్జే ఎవరని కాజల్ అడుగగా.‌. "నాకు టఫ్ కాంపిటీషన్ అంటూ ఎవరూ లేరు. ఎందుకంటే ఎవరిది వారికి ఒక ప్రత్యేకత ఉంటుంది. ఎవరితో నేను కంపేర్ చేసుకోను ఎందుకంటే నాకు నేనే పోటీ" అని చైతు సమాధానమిచ్చాడు.