సుమ అడ్డా లేటెస్ట్ ప్రోమో రిలీజ్ అయింది. "ది హండ్రెడ్ " మూవీ టీమ్ ఎంట్రీ ఇచ్చింది. ఈ షోకి ఒకప్పుడు బుల్లితెర సీరియల్స్ లో పోలీస్ క్యారెక్టర్స్ తో యాంగ్రీ యంగ్ పోలీస్ గా గుర్తింపు తెచ్చుకున్న ఆర్కే నాయుడు అలియాస్ సాగర్, కొరియోగ్రాఫర్ పండు, ధన్య బాలకృష్ణ, మరో క్యారెక్టర్ ఆర్టిస్ట్ గిరిధర్ వచ్చారు. "మూవీ ఎలా ఉంటుంది" అని సుమ అడిగేసరికి "యాక్షన్ మూవీ..కుర్చీ మడతేస్తే ఎలా ఉంటుందో అలా ఉంటుంది" అని సాగర్ చెప్పేసరికి "లేదు లేదు మాకు మూవీ చూడాలని ఉంది" అని సాగర్ కామెంట్స్ ని మధ్యలోనే కట్ చేసింది. ఇక పండును చూపిస్తూ "ఇతను పండు కదా మీరు కొట్టే దెబ్బలకు ఇతను పండాలి" అనేసరికి అందరూ నవ్వేశారు.

" నేను సమయాన్ని..నేను ఎవరి కోసమూ ఆగను" అంటూ సుమ భారీ డైలాగ్ చెప్తుండగా పండు మధ్యలో వచ్చి "అరె అసిస్టెంట్ ఈ వాచ్ తీసుకెళ్ళు..టైం ఉందట ఇక్కడ" అని కౌంటర్ జోక్ వేసేసరికి సుమ షాకయ్యింది. తర్వాత తాను విలన్ అని హీరోయిన్‌ ధన్యను ఎత్తుకెళ్లిపోయే సీన్ చేశాడు పండు. తర్వాత ధన్య చేయి పట్టుకొని బుగ్గ గిల్లి "భలే ఉన్నావ్" అంటూ ముద్దు పెట్టుకున్నాడు పండు. దాంతో ధన్య తెల్లముఖం పెట్టింది. "ఆ అమ్మాయిని పట్టుకొని ముద్దు పెట్టుకుంటావా నీకెవడు ఇచ్చాడు అసలు సీన్" అంటూ సుమ అడిగేసరికి " ఆవిడే ఇస్తోంది" అంటూ సాగర్ కౌంటర్ ఇచ్చాడు.

"ఒక్కసారి చూస్తే మళ్ళీ చూడాలనిపించే ఫేస్ నీది...చాలామంది అబ్బాయిల వెనక అమ్మాయిలు ఉంటారు..కానీ నీ వెనక నేనుంటాను" అని ధన్య బాలకృష్ణ డైలాగ్ చెప్పేసరికి పండు తెగ సిగ్గుపడిపోయాడు. ఇక ఈ మూవీలో సాగర్ ని చూసేసరికి నెటిజన్స్ కూడా కామెంట్స్ చేస్తున్నారు. "మళ్లి మొగలిరేకులు ప్రకంపనలు వస్తున్నట్టుగా ఉన్నాయి" అంటున్నారు. ఇక పండు ఫాన్స్ ఐతే ఫైర్ ఎమోజిస్ పెట్టారు. ‘షాదీ ముబారక్’ ద్వారా సాగర్ రీలాంచ్ అయ్యారు.