ఆరోహీ రావు.. బిగ్ బాస్ సీజన్-6 తో అందరికి పరిచయమైంది. బిగ్ బాస్ హౌస్ లో సూర్యతో కలిసి ఎక్కువ సమయం గడిపిన ఈ భామ.. ఇనయా సుల్తానా, కీర్తభట్ లతో మొదట్లో మంచి స్నేహాన్ని కలిగి ఉండేది. అయితే సూర్యతో స్నేహం మొదలయ్యాక అందరిని పక్కన పెట్టేసి సూర్య ఎక్కడుంటే అక్కడ టైం గడిపేది‌‌. ఆ రకంగా హౌస్ లో ఎంతో కొంత గుర్తింపు పొందింది ఆరోహి రావు.

బిగ్ బాస్ కి ముందు వరకు ఒక న్యూస్ ఛానెల్ లో పనిచేసిన ఆరోహీ.. తన యాస మాటలతో పాపులారిటి తెచ్చుకుంది. తెలంగాణ పరకాలలోని కనపర్తి అనే గ్రామంలో పుట్టింది అంజలి అలియాస్ ఆరోహీ రావు. ఆరోహీ రావు వాళ్ళ అమ్మ చిన్నప్పుడే చనిపోయింది. నాన్న ఉన్నా లేనట్టే అని చాలాసార్లు చెప్పింది. ఎందుకంటే ఆరోహీ వాళ్ళ నాన్న తనని చిన్నప్పుడే వదిలిపెట్టాడని ఆరోహీ చెప్పుకొచ్చింది. వరంగల్ లోని వాళ్ళ అమ్మమ్మ దగ్గర ఉండి ఎంబిఏ వరకు చదివిన ఆరోహీ.. ఆ తర్వాత హైదరాబాద్ కి వచ్చి ఒక న్యూస్ ఛానెల్ లో యాంకర్ గా కెరీర్ స్టార్ట్ చేసింది. దాంతో తను క్రేజ్ సంపాదించుకుంది. బిగ్ బాస్ హౌస్ లోకి అనాథగా అడుగుపెట్టిన ఆరోహీ.. హౌస్ లోకి వచ్చాక అందరితో మాట్లాడుతూ సరదాగా గడిపింది.

హౌస్ నుండి బయటకొచ్చాక ఆరోహీ తన ఇన్ స్టాగ్రామ్ లో యాక్టివ్ గా ఉంటుంది. ఆర్జే సూర్యతో రీల్ ని చేసింది. అయితే ఈ మధ్య ఇన్ స్టాగ్రామ్ లో‌ రీల్స్ తెగ చేస్తోన్న ఆరోహీ.. ఇప్పుడు కొత్తగా వచ్చిన సోషల్ మీడియా ఆప్ 'థ్రెట్స్'.. లో తనకంటూ అకౌంట్ క్రియేట్ చేసుకుంది ఆరోహీ. అయితే తన ఇన్ స్టాగ్రామ్ లో తన ఫోటోని అప్లోడ్ చేసి, దానికి ' గ్రహాంతరవాసి కప్ప' అనే క్యాప్షన్ కూడా పెట్టింది ఆరోహీ. కాగా ఈ పోస్ట్ చూసిన తన ఫ్యాన్స్ సరదగా ఆటపట్టిస్తున్నారు. దీంతో ఇప్పుడు ఇన్ స్టాగ్రామ్ లో ఆరోహీ చేసిన ఈ పోస్ట్ ట్రెండింగ్ లో ఉంది.