ఇన్స్టాగ్రామ్ బ్లూ టిక్ మీద చిన్నా పెద్దా సెలబ్రిటీస్ అని చెప్పుకునే వాళ్లంతా కూడా వీడియోస్ మీద వీడియోస్ చేసేసి తమ తమ పేజెస్ లో పోస్ట్ చేసేస్తున్నారు. మొన్న అఖిల్ సార్థక్, నిన్న గీతూ రాయల్ కూడా తమ కోపాన్ని వెళ్లగక్కారు. ఇప్పుడు "నిఖిల్ తో నాటకాలు" అంటూ ఫేమస్ సెలబ్రిటీస్ ని ఇంటర్వ్యూస్ చేసే నిఖిల్ ఇప్పుడు ఒక వీడియో పోస్ట్ చేసాడు.

"నా ఇన్స్టాగ్రామ్ ఫాలో అయ్యే వాళ్లందరికీ ఇప్పుడు బ్లూ టిక్స్ వచ్చేసాయి. ఎవరెవరేమిటో తెలియడం లేదు. 699 కడితే బ్లూ టిక్స్ వస్తున్నాయి అంత దానికి మళ్ళీ కేక్ కటింగ్లు, సెలెబ్రేషన్లు, పార్టీలు. సరే కాదనడం లేదు. ఎవరెవరికి అప్లికేషన్స్ ప్రాబ్లమ్ అవుతాయో వాళ్లకు డబ్బులు కడితే ఈజీ అవుతుంది. సరే రేపటి రోజు ఇంతమంది అప్పొజ్ చేసినప్పుడు అప్పుడు మళ్ళీ ఒక ఆప్షన్ పెట్టి ఎవరెవరైతే డబ్బులు కట్టారో వాళ్ళ ప్లాన్స్ అన్నీ క్యాన్సిల్ చేసి ఎవరెవరైతే నాచురల్ గా అప్లై చేసుకుంటారో వాళ్ళకే బ్లూ టిక్ ఆప్షన్ ఇవ్వాలి అని అనుకుంటే మాత్రం, ఈ బ్లూ టిక్స్ అన్నీ పోయాయి అనుకోండి ..మీ ముఖం ఎక్కడ పెట్టుకోవాలో మీకు తెలీదు. ముందే చెప్తున్నా ఎక్కువ ఎగరకండి. చేస్తే చేయించుకోండి. అది కొంచెం ఫన్నీగా ఉంది. చాలా మంది కష్టపడతారు కదా. ఆ వెరిఫికేషన్ అయ్యాక బ్లూ టిక్ సంపాదించుకోవడం అనేది ఒక చిన్న అచీవ్మెంట్" అంటూ ఒక రేంజ్ లో నిఖిల్ తన అభిప్రాయాన్ని చెప్పాడు.

దానికి కౌంటర్ గా ఒక నెటిజన్ "బ్లూ టిక్ అనేది హార్డ్ వర్క్ చేసినందుకు రాదు. సర్టిఫై కానీ అకౌంట్స్ వల్ల చాలా మంది ఇబ్బందుల్లో పడుతున్నారు. ఇలా బ్లూ టిక్స్ ఇవ్వడం వలన జెన్యూన్ అకౌంట్ హోల్డర్ ఎవరో కాదో తెలిసిపోతుంది. అందుకోసమే ఈ ఆప్షన్ పెట్టింది. ఇదొక అచీవ్మెంట్ అనుకునే వాళ్ళను చూస్తుంటే నాకు నవ్వొస్తోంది...ఫ్యూచర్ లో ఈ బ్లూ టిక్ ఫ్రీగా ఇచ్చినా ఆశ్చర్యపోవక్కర్లేదు" అంటూ ఘాటుగా రిప్లై ఇచ్చారు. "నువ్వు తలకాయ ఎక్కడా పెట్టుకుంటావ్..ఇన్స్టా లో పెట్టుకోండి మొఖం" అంటూ కామెంట్స్ చేస్తున్నారు ఇంకొంతమంది నెటిజన్స్. మొత్తానికి బ్లూ టిక్ ఆప్షన్ మాత్రం సోషల్ మీడియాలో ఒక సంచలనం క్రియేట్ చేస్తోంది.