టీవి యాంకర్ గా ఫేమస్ అయిన నేహా చౌదరి.. ఐపీఎల్ కి స్టార్ స్పోర్ట్స్ తెలుగులో యాంకర్ గా చేసి గుర్తింపు తెచ్చుకుంది. ఆ తర్వాత ఎన్నో ప్రోగ్రామ్స్ లో యాంకర్ గా చేసింది. బిగ్ బాస్ సీజన్-6 తో బాగా పాపులర్ అయింది. బిగ్ బాస్ హౌస్ మొదటి రెండు వారాలు బాగా టాస్క్ లు చేసి మంచి ఫ్యాన్ ఫాలోయింగ్ సంపాదించుకుంది. ఆ తర్వాత చంటితో గొడవ, ఇనయాతో గొడవ కారణంగా ఎలిమినేషన్ దగ్గరి దాకా వచ్చి సేఫ్ అయింది. అయితే రేవంత్ తో జరిగిన గొడవ ముదిరింది. అందులో అతని తప్పేం లేకున్నా రేవంత్ ని దూషించి, నోరు పారేసుకున్న నేహా.. ఎలిమినేట్ అయింది. బిగ్ బాస్ నుండి బయటకొచ్చాక నేహాకి భారీ వెల్ కమ్ లభించింది.

బిగ్ బాస్ ముందు స్పోర్ట్స్ యాంకర్ గా చేసి గుర్తింపు తెచ్చుకుంది. స్టార్ మహిళ ప్రోగ్రామ్ లో పార్టిసిపేట్ చేసి అవార్డ్ కూడా వచ్చింది. సయ్యారే ప్రోగ్రామ్ లో యాంకర్ గా చేసి అవార్డ్ కూడా సొంతం చేసుకుంది. ఇలా పలు టీవీ షోస్, ప్రోగ్రామ్‌లు చేసి నేహా చౌదరి క్రేజ్ ని సంపాదించుకుంది. అయితే ఎప్పుడు ఇన్ స్టాగ్రామ్ లో తన గురించి రెగ్యులర్ గా అప్డేట్స్ ని అందిస్తూ నేహా ఫ్యాన్స్ కి మరింత దగ్గరగా ఉంటుంది.

రీసెంట్ గా నేహా ఒక సినిమా షూటింగ్ నిమిత్తం పూణేకి వెళ్ళివచ్చింది. ఆ తర్వాత రెండు మూడు వ్లాగ్ లు చేసి తన యూట్యూబ్ ఛానెల్ లో అప్లోడ్ చేసింది. మన వంటకాలు నేర్చుకుంటున్న ఫారెనర్స్, బీచ్ లో యోగ, కాపురానికి వెళ్ళే ముందు ఇంటి పనులు నేర్పిస్తుంది అమ్మ లాంటి వ్లాగ్ లు చేసింది నేహా. ఇప్పుడు తాజాగా తను జర్మనీ వెళ్ళినట్టుగా తన ఇన్ స్టాగ్రామ్ లో పోస్ట్ చేసింది.

అక్కడ తన భర్తతో కలిసి దిగిన ఒక ఫోటోని షేర్ చేసింది నేహా. మరొక వీడియోలో.. "అమ్మ ఐ ఆల్రెడీ మిస్ యూ.. ఎందుకో తెలుసా.. ఈ బ్రెడ్ బ్రేక్ ఫాస్ట్ అంట.. ఇక్కడ ఇదే తినాలంట, నేను ఇలా చెప్తుంటే పక్కనుండి మా ఆయన అప్పుడే కంప్లెంట్స్ స్టార్ట్ చేసావా అని అంటున్నాడు అమ్మ" అని నేహా చౌదరి చెప్పింది. ఇప్పటికీ తను ఇండియాని, ఇండియాలో ఉన్న వాళ్ళ అమ్మని.. ఆవిడ చేతి వంటని మిస్ అవుతున్నట్టుగా చెప్తుంది నేహా. ఇలా జర్మనీలో కొత్త కాపురం స్టార్ట్ చేసింది నేహా. కాగా ఇప్పుడు ఈ పోస్ట్ ఇన్ స్టాగ్రామ్ లో వైరల్ గా మారింది.