డాన్స్ లవర్స్ ని ఎంటర్టైన్ చేయడానికి స్టార్ట్ మాలో సరికొత్త డాన్స్ షో రాబోతోంది. దానికి సంబంధించిన ప్రోమో ఒకటి రిలీజ్ అయ్యింది. ఈ కొత్త డాన్స్ షో పేరు "నీతోనే డాన్స్" . బిగ్ బాస్ కంటెస్టెంట్స్ తో బీబీ జోడి ఎలా వచ్చి హిట్ అయ్యిందో అందరికీ తెలిసిన విషయమే. దానికి ఇండికేషన్ గా సీరియల్ యాక్టర్స్ నిఖిల్-కావ్య చేసిన డాన్స్ నే ప్రోమోగా రిలీజ్ చేశారు. ఈ ఇద్దరూ ఐస్ క్రీం తింటూ అలా నడుస్తూ వస్తుంటే వర్షం స్టార్ట్ అవుతుంది. "నీకు గుర్తుందా..ఫస్ట్ టైం మనం కలిసి ఐస్క్రీమ్ తినేటప్పుడు కూడా ఇలాగే వర్షం పడింది..ఆ జర్నీ ఇక్కడి వరకు వచ్చింది.

ఇప్పుడు మళ్ళీ వర్షం పడితే ఇంకేం జరుగుతుందో" అని కావ్య అనేసరికి "ఇంకేం జరుగుతుంది...మాజికల్ గా మ్యూజికల్ జర్నీ స్టార్ట్ అవుతుంది" అని చెప్పాడు నిఖిల్. ఆ తర్వాత కురిసిన  వర్షంలో "ఈ వర్షానికి స్పర్శుంటే నీ మనసే తాకేనుగా" అనే సాంగ్ కి ఇద్దరూ కలిసి క్యూట్ గా  డాన్స్ చేశారు. ఇప్పటి వరకు మనం అన్ని చానెల్స్ లో రకరకాల డాన్స్ షోస్ చూస్తూనే ఉన్నాం. ఈటీవీ లో "ఢీ" ఇప్పటివరకు 15 సీజన్స్ పూర్తి చేసుకుంది...అలాగే ఆహా ఓటిటి మీద "డాన్స్ ఐకాన్" షో , జీ తెలుగులో "డాన్స్ ఇండియా డాన్స్"  ఎన్నో చూసాం. బీబీ జోడి ప్రత్యేకంగా బీబీ కంటెస్టెంట్స్ మధ్య నిర్వహించారు కదా అలాగే  ఈ ప్రోమో చూస్తుంటే సీరియల్ యాక్టర్స్ మధ్యన నిర్వహిస్తున్నారా అనిపిస్తోంది.

ఈ ప్రోమోకి నెటిజన్స్ కామెంట్స్ పెడుతున్నారు "కరెక్ట్ డాన్స్ జోడితో ప్రోమో స్టార్ట్ చేశారు...క్యూట్ ప్రోమో" అంటున్నారు. ఐతే బుల్లితేర మీద జోడి కపుల్స్ గా గుర్తింపు పొందారు కొంతమంది నిఖిల్-కావ్య, అమరదీప్-తేజు, మహేష్-కీర్తిభట్, నవ్యస్వామి-రవికృష్ణ ఇలా చెప్పుకుంటే స్క్రీన్ మీద హిట్ పెయిర్స్ చాలా మంది ఉన్నారు. మరి ఈ హిట్ పెయిర్స్ ని తీసుకొస్తారా...లేదంటే ఇంకేమన్నా కొత్తగా ప్లాన్ చేశారా అనే విషయం తెలియాలంటే నెక్స్ట్ అప్ డేట్ కోసం కొంచెం వెయిట్ చేయాలి.