ఎక్స్ట్రా జబర్దస్త్ ఈ వారం ఫుల్ ఎంటర్టైన్ చేసేసింది. ఈ షోకి రైటర్ పద్మభూషణ్ మూవీ టీమ్ సుహాస్, టీనా ప్రొమోషన్ లో భాగంగా వచ్చేసారు. ఇక ఈ ఎపిసోడ్ లో మునిగినపాలెం స్కిట్ అందరినీ కడుపుబ్బా నవ్వించింది. రాకింగ్ రాకేష్, జోర్దార్ సుజాత, ప్రవీణ్ కలిసి ఈ స్కిట్ వేశారు. ఇటీవల వస్తున్న వరదల బ్యాక్ డ్రాప్ లో ఈ స్కిట్ పెర్ఫార్మ్ చేశారు. నా ప్రేమ నీ విషయంలో హద్దు దాటినట్టు తుఫాన్ తీరం దాటింది కదా అందుకే ఈ వరదలు అంటాడు రాకేష్. సుజాత సిగ్గు పడుతూ ఉంటుంది. వర్షం పడినప్పుడే పిడుగులు ఎందుకు పడతాయ్..అని సుజాత అడిగేసరికి కొత్త జంట హగ్ చేసుకోవడానికి ప్రకృతి ఇచ్చే ఒక అవకాశం అనేసరికి ఖుష్భు తల పట్టుకుంటుంది. ఖుష్భు గారికి ఎక్కడో బాగా తగిలింది అనేసరికి "లేదండి మా ఆయనకి రొమాన్స్ కి ఎలాంటి సంబంధం లేదు అంటుంది " తర్వాత ఊరు మునిగిపోతూ ఉండే సరికి ప్రవీణ్ పడవేసుకుని వస్తాడు. ఎలాగైనా కాపాడాలని రాకేష్ అడిగేసరికి వెళ్లి ఆధార్ కార్డు జిరాక్స్ తెమ్మని చెప్తాడు.

సుజాత, రాకేష్ ఇద్దరు కూడా నువ్వే నా ఆధార్ కార్డు అంటే నువ్వే నా ఆధార్ కార్డు అనుకుంటూ ఉంటారు. ఇంతలో మాన్ హోల్ అనే పేరు ఎందుకొచ్చింది అని రాకేష్ అడిగేసరికి మాన్ తప్ప ఆ హోల్ లో ఎవరూ పట్టరు కాబట్టి మాన్ హోల్ అనే పేరొచ్చిందంటూ ప్రవీణ్ చెప్తాడు. ప్లీజ్ ఒక్క సారి పడవ ఆపండి నా సన్న పిన్ను చార్జర్ మర్చిపోయి వచ్చాను అంటాడు ఆ మాటకు అందరూ నవ్వేస్తారు. ఇంతలో ప్రవీణ్ పడవను పక్కన పెట్టి వరదల్లో నడుచుకుంటూ వస్తాడు. సర్ మీరు నీళ్ళల్లో ఎలా నడుస్తున్నారు అనేసరికి నాకు వీసా ఉంది నీళ్ళల్లో నేను నడగలను అంటూ పంచ్ డైలాగ్ వేస్తాడు. ఇంతలో వరదల్లో వాషింగ్ మెషిన్, టీవీ, ఫ్రిజ్ అన్ని కొట్టుకొస్తూ ఉంటాయి.

దాంతో ప్రవీణ్ మీకు ఎం కావాలి వాటిని తీసుకెళ్లండి అనేసరికి రాకేష్ చెవిలోంచి పొగలొస్తుంటాయి. ఫైనల్ గా రాకేష్ ఎంటర్టైన్మెంట్ కొంచెం మిస్ అయ్యింది అనేసరికి ఓ లేశ ఓ లేశ అని పాట పడతాడు ప్రవీణ్. ఇంతలో పడవలోకి నీళ్లు వచ్చేస్తాయి. అదేంటి పడవలోకి నీళ్లు వస్తున్నాయి అనేసరికి అదేగా చెప్తున్నా హోల్ ఏసా హోల్ ఏసా అంటున్న కదా అనేసరికి అందరూ ఒక్కసారి షాక్ ఐపోతారు.