స్టార్ మా టీవీలో ప్రసారమవుతున్న సీరియల్ 'కృష్ణ ముకుంద మురారి'. ఈ సీరియల్ సోమవారం నాటి ఎపిసోడ్‌ -151లో.. భవాని తీవ్రంగా ఆలోచిస్తుంటుంది. ముకుంద చెప్పిన మాటలన్నీ పదే పదే గుర్తుచేసుకుంటూ కృష్ణపై కోపాన్ని పెంచుకుంటుంది భవాని. మరోవైపు భవాని దగ్గరికి రేవతి వస్తుంది. అక్కా అని రేవతి పిలవగానే.. ఏంటి చెప్పు అని భవాని అడుగుతుంది. ఏంటక్కా అంత సీరియస్ గా ఉన్నారని రేవతి అడుగగా.. విషయమేంటో సూటిగా చెప్పమని భవాని అంటుంది. మీకు వ్యతిరేకంగా కృష్ణ, మురారి ప్రవర్తించడం తప్పే అక్క అని అనగా.. తప్పని ఒప్పుకున్నావ్ కదా.. ప్రాయశ్చిత్తం కచ్చితంగా జరుగుతుంది వెళ్లమని భవాని అంటుంది. ఆ తర్వాత రేవతి అక్కడి నుండి వెళ్ళిపోతుంది.

కాసేపటికి భవాని గదిలోకి కృష్ణ వస్తుంది. క్షమించండి అత్తయ్య.. మీ ఆజ్ఞ అతిక్రమించి వచ్చాను.‌. వెళ్తాను అత్తయ్య కానీ చెప్పాల్సింది చెప్పి వెళ్తాను.‌ ఏసీపీ సర్ ఏ తప్పు చేయలేదు.. ఈ ప్రపంచంలో ఏసీపీ సర్ కి మీ తర్వాతే ఎవరైనా.. మీరు ఏసీపీ సర్ తో మాట్లాడాలంటే ఏం చెయ్యాలని కృష్ణ అనగా.. నేను చెప్పిందే జరుగుతుందని భవాని అంటుంది. అయినా మురారి కూడా నీ మాట వినడం తప్పే కదా.. ఆ తప్పుకి శిక్ష వేసింది అత్తయ్య అని కృష్ణతో ముకుంద అంటుంది. నువ్వు చేసిన పనికి ఇంకెవరైనా అయితే ఇంట్లో నుండి గెంటేసేవారని చెప్తుంది ముకుంద. అవును అదే పని జరుగుతుంది.. ఇంకో క్షణం నా గదిలో ఉంటే మెడపట్టుకొని బయటకు గెంటేస్తానని భవాని అంటుంది. తర్వాత కృష్ణ అక్కడ నుండి వెళ్తుంది. మరోవైపు మురారి తన గదిలో ఉండి.. కృష్ణతో జరిగిన సంఘటనలన్నీ తలుచుకొని మురిసిపోతుంటాడు. అప్పుడే కృష్ణ అన్నం తీసుకుని వస్తుంది. ఏసీపీ సర్.‌. మీ కోసం పప్పు, చేపల ఫ్రై తీసుకొచ్చాను.. నా చేతితో తినిపిస్తానని కృష్ణ మురారికి ప్రేమతో అన్నం కలిపి తినిపిస్తుంది. ఇక ముకుంద తన గదిలో కూర్చొని.. ఫోన్ లో మురారితో తను కలిసి ఉన్న ఫోటోని చూస్తూ.. మీ ఇద్దరి పెళ్ళి నిజం కాదని భవాని అత్తయ్యకి చెప్పి ఆ కృష్ణని పంపించేస్తాను.. ఆ తర్వాత మనమిద్దరం హ్యాపీగా ఉందామని ముకుంద అనుకుంటుంది.

మరోవైపు రేవతి టెన్షన్ పడుతుంది. అసలు భవాని అక్క ఎందుకు అంత కోపంగా ఉంది.. ముకుంద చెప్పిన మాటలని వింటుందా? కృష్ణ, మురారిలను విడదీస్తుందా? కృష్ణ ఎందుకు అంత మురిసిపోతుంది? పెళ్ళి చేసుకునున్నవాళ్ళు బాగానే ఉన్నారు.. మధ్యలో మంచిచేసిన నా కొడుకు కోడలితో మాట్లాడదంటే ఎలా అని ఆలోచిస్తుంటుంది రేవతి. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.