స్టార్ మా టీవీలో ప్రసారమవుతున్న సీరియల్ 'కృష్ణ ముకుంద మురారి'. ఈ సీరియల్ గురువారం నాటి ఎపిసోడ్ -166 లో.. మధు ఫోన్ పట్టుకొని కృష్ణకి సంబంధించిన ఫన్నీ వీడియోస్ తీస్తుంటే నీ ఫోన్ పడేస్తానని కృష్ణ అంటుంది. ప్లీజ్ వదిన అలా అనకండి.. మొన్న మీరు చేసిన లవ్ ప్రపోజల్ వీడియోకి వ్యూస్ బాగా వచ్చాయి.. నేను ఒక కాన్సెప్ట్ అనుకుంటున్నాను నాకు సపోర్ట్ చేస్తారా అంటూ కృష్ణని మధు అడుగుతాడు. దానికి కృష్ణ ఒప్పుకోదు.. ప్లీజ్ వదిన మీరు భార్య భర్తలులా కాకుండా లవర్స్ లాగా యాక్ట్ చెయ్యాలని అనగానే.. కృష్ణ హ్యాపీగా ఫీల్ అవుతుంది. వద్దు.. నేను డాక్టర్ ని యాక్టర్ ని కాదని కృష్ణ అంటుంది. ప్లీజ్ వదిన అంటూ రిక్వెస్ట్ చేసేసరికి సరేనంటుంది కృష్ణ.

మురారి కిందకి వస్తుంటే ఏసీపీ సర్ ని కూడా ఒప్పించమని మధుతో కృష్ణ అంటుంది. మురారి నేనొక కాన్సెప్ట్ అనుకుంటున్నాను.. మీరిద్దరు లవర్స్ లాగా యాక్ట్ చెయ్యాలని మధు రిక్వెస్ట్ చేస్తాడు. దానికి మురారి సరేనంటాడు మురారి.. ఆ తర్వాత నేను రేపటి నుండి రిచ్ కిడ్ అవబోతున్నా అంటూ సుమలత, అలేఖ్యలతో మధు చెప్తాడు. ఆ తర్వాత కృష్ణ, మురారిలు రెడీ అయి షూట్ కోసం.. సెట్ చేసిన ప్లేస్ కి వస్తారు. కృష్ణ రెడీ అయి రాగానే మురారి కృష్ణ వైపే చూస్తుంటాడు. షూట్ స్టార్ట్ అవుతుంది. ఇద్దరు లవర్స్ లాగా మాట్లాడుకుంటారు. కృష్ణ ఇన్ని రోజులు మురారిపై పెంచుకున్న ప్రేమని చెప్తుంది. కృష్ణ చెప్తుంటే మురారి మౌనంగా ఉంటాడు. నా బ్రతుకుని మీకు అంకితం చేస్తున్నానంటూ.. మోకాళ్ళపై కూర్చొని మురారికి కృష్ణ ప్రపోజ్ చేసి హగ్ చేసుకుంటుంది.

ఆ తర్వాత మధు వచ్చి.. కృష్ణ ఎంత బాగా చేసావో తెలుసా? నేను చెప్పింది ఒక్క డైలాగ్ కూడా లేదు. అన్నీ నీ ఓన్ గా బాగా చెప్పావని మధు అంటాడు. మరొకవైపు అలేఖ్య, సుమలతలిద్దరు కృష్ణ, మురారిలు షూట్ చేసిన రీల్ గురించి మాట్లాడుకుంటారు. మొన్న మురారి లవ్ ప్రపోజ్ చేసిన రీల్ కి వ్యూస్ బాగా వచ్చాయని.‌. ఈ రోజు మళ్ళీ కృష్ణ ప్రొపోజ్ రీల్ ని షూట్ చేస్తున్నాడు మధు అని మాట్లాడుకుంటారు. అక్కడే ఉన్న ముకుంద వాళ్ళ మాటలన్నీ విని బాధపడుతుంది.. ఆ తర్వాత కృష్ణ, మురారి, మధు ఇంట్లోకి వచ్చి రీల్ షూట్ చేసినప్పుడు కృష్ణ డైలాగ్స్ తో చింపేసిందంటూ చెప్తాడు. ఆ రీల్ ని ఎడిటింగ్ కి పంపించాను.. వచ్చాక అందరం చూద్దామని మధు అంటాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.